ယနေ့နံနက်က အင်န်အယ်ဒီ အဖွဲ့ချုပ်ရုံးတွင် ပါတီခေါင်းဆောင် ဦးတင်ဦးနှင့် ဇနီး ဒေါက်တာတင်မိုးဝေတို့၏ ရွှေရတုမင်္ဂလာအထိမ်းအမှတ် ဆွမ်းကျွေးကို ကျင်းပရာ ပါတီဝင်များ၊ မိသားစုများ မိတ်ဆွေများ တက်ရောက်ကြသည်။
ဦးတင်ဦးသည် ၂၀၀၃ မေ ၃၀ ဒီပဲယင်း လုပ်ကြံမှုတွင် ဒေါ်အောင်ဆန်းစုကြည်နှင့်အတူ စစ်အုပ်စုလက်ပါးစေများ၏ ၀ိုင်းဝန်းတိုက်ခိုက်ခြင်းကို ခံခဲ့ရပြီး စစ်အစိုးရက ဖမ်းဆီးထိန်းသိမ်းထားခဲ့ရာ ၂၀၀၄ နှစ်ဆန်းအထိ စစ်ကိုင်းတိုင်း၊ ကလေးထောင်တွင် အကျဉ်းချခံခဲ့ရပြီး ထိုနောက် ရန်ကုန်ရှိ နေအိမ်တွင် အကျယ်ချုပ်ဖမ်းဆီးခြင်း ယခုအထိ ခံထားရသည်။
ယခု အင်န်အယ်ဒီပါတီအပါအ၀င် ဒေါ်အောင်ဆန်းစုကြည်တို့က စစ်အုပ်စုနှင့် ပြန်လည် တွေ့ဆုံဆွေးနွေးခြင်းများ ပြုလုပ်လာကြစဉ် တပ်မတော်၏ ခေါင်းဆောင်ဟောင်းတဦးဖြစ်သူ ဗိုလ်ချုပ်ကြီးဟောင်း သူရ ဦးတင်ဦးနှင့် တွေ့ဆုံခွင့်ပြုရန် ဒေါ်စု၏ တောင်းဆိုမှုကို စစ်အုပ်စုက ပယ်ချထားခဲ့သည်။
No comments:
Post a Comment