ယခင် ကိုးကန့်ဒေသ လက်နက်ကိုင်အဖွဲ့မှ အမျိုးသမီး တပ်ဖွဲ့ဝင်များမြန်မာအစိုးရက သံတမန်များကို တရုတ်မြန်မာနယ်စပ်ရှိ ကိုးကန့်ဒေသသို့ ခေါ်သွားပြီး ထိုဒေသတွင် ဖမ်းဆီးရမိသည့် မူးယစ်ဆေးဝါးများကို မီးရှို့ပြလိုက်သည်ဟု ယနေ့ထုတ် သတင်းစာများတွင် ရေးထားသည်။
ကိုးကန့်ဒေသ၌ ပြီးခဲ့သည့်၂ လတာ အတွင်း ဖမ်းဆီးရမိသည့် စိတ်ကြွဆေးပြား အရေအတွက်သည် ၁၁ ဒဿမ ၉သန်းကျော် ရှိသည်ဟု ရဲချုပ် ဗိုလ်မှူးချုပ်ခင်ရီက မူးယစ်ဆေး ဖျက်ဆီးခြင်း အခမ်းအနားတွင် ပြောလိုက်သည်။ ထိုပဏာမသည် ၈ လ အတွင်း တနိုင်ငံလုံးတွင် ဖမ်းမိသည့် စိတ်ကြွဆေးပြား အရေအတွက်ထက် ပိုများသည်ဟု ဆိုသည်။
၂ လအတွင်း ဖမ်းဆီးရမိသည့် မူးယစ်ဆေးဝါး၊ ဓာတုပစ္စည်းများ၊ ဆက်စပ် ပစ္စည်းများကို သံတမန်များ ရှေ့တွင် မီးရှို့ဖျက်ဆီးရာ စုစုပေါင်း တန်ဖိုး ဒေါ်လာ သန်း၂ဝကျော် ရှိသည်ဟု ရဲချုပ်က ပြောသည်။
ကိုးကန့်ခေါင်းဆောင်ဟောင်း ဦးဖုန်ကြားရှင် အပါအ၀င် လေးဦးအုပ်စုသည် “စိတ်ကြွဆေး ထုတ်လုပ် ရောင်းချမှုများကို မာဖီးယားဂိုဏ်းများကဲ့သို့ ၎င်းတို့ နယ်မြေအတွင်း ၎င်းတို့ လေးဦး၏ အကာအကွယ်ဖြင့် ကိုယ်တိုင် ပြုလုပ်နေသကဲ့သို့ လွတ်လပ်စွာ လုပ်ကိုင်ခွင့် ပြုထားပြီး ယှဉ်ပြိုင်လာသူများကိုလည်း ရက်စက်စွာ ကလဲ့စားချေမှုများ ရှိခဲ့ကြောင်း” ရဲချုပ်၏ ပြောကြားချက်ကို သတင်းစာတွင် ရေးထားသည်။
မြန်မာအစိုးရတွင် ၁၉၉၉ မှ ၂ဝ၁၄ အထိ အကျုံးဝင်သော မူးယစ်ဆေးဝါး ပပျောက်ရေး (၁၅) နှစ် စီမံကိန်း ရှိသည်ဟု ဆိုသည်။
မူးယစ်ဆေးများကို မည်သည့်ဒေသသို့ ဖြန့်ချိ ရောင်းချခြင်း ဖြစ်ကြောင်း ရဲချုပ်၏ ပြောကြားချက်တွင် မတွေ့ရပေ။
ကိုးကန့်ဒေသတွင် ပြီးခဲ့သည့် အပတ်က ဖြစ်ပွားခဲ့သော ပေါက်ကွဲမှုများ အကြောင်းကို ထည့်သွင်း ဖော်ပြခြင်းလည်း မရှိပေ။
No comments:
Post a Comment