အင်းစိန်ထောင်တွင် ချုပ်နှောင်ခံနေရသော ဒေါ်အောင်ဆန်းစုကြည်ကို ထောက်ခံကြောင်း ပြသသည့်အနေဖြင့် ထောင်ရှေ့တွင် သွားရောက် စုဝေးကြသူများ။
သစ်ကောင်းအိမ်
ဇူလိုင် ၂၇၊ ၂၀၀၉
မုဆိုးမကြီး
ခါးဝတ်ထမိန် မြဲမြံတုံး…
ယောင်ထုံးကိုယ်စီနဲ့
၂၀၁၀ လင်မျှော်ကုန်းမှာ
ယောင်္ကျားရင့်မကြီးတွေ
စုရုံး နေတယ်။ ။ ယနေ့ အင်းစိန်ထောင်တွင်း တရားရုံးတွင် ဒေါ်အောင်ဆန်းစုကြည်နှင့် အနီးကပ်မိတ်ဆွေများကို တရားရုံးထုတ်ခဲ့ရာ ဒေါ်စု၏ ရှေ့နေများက လျောက်လဲခဲ့ကြသည်။ ထိုနောက့် လာမည် တနလာင်္နေ့သို့ တရားရုံးက ထပ်မံချိန်းဆိုလိုက်သည်ဟု သိရသည်။ ဒေါ်အောင်ဆန်းစုကြည်က ယခုကဲ့သို့ အချိန်ဆွဲပြီး တရားစစ်ဆေးနေခြင်းကို သဘောမကျကြောင်း၊ ၂၀၁၀ ရွေးကောက်ပွဲသည် အမျိုးသားပြန်လည်သင့်မြတ်ရေးကို ပစ်ပယ်ပြီး ကျင်းပခြင်းဖြစ်သဖြင့် ကုလသမဂ္ဂက ဝေဖန်ထောက်ပြသင့်သည်ဟု ပြောကြားကြောင်း အင်န်အယ်ဒီသတင်းစာရှင်းလင်းပွဲက လာသောသတင်းများအရ သိရသည်။
ပါတီခေါင်းဆောင်တဦးဖြစ်သူ ဦးဝင်းတင်နှင့် ဒေါ်အောင်ဆန်းစုကြည် ထောက်ခံသူများ အင်အား ၁၀၀ ကျော်ခန့်က အင်းစိန်ထောင်ရှေ့တွင် စုဝေးခဲ့ကြသည်။ ၎င်းတို့နှင့်အတူ စစ်အုပ်စု၏ အရပ်ဝတ်အကြမ်းဖက်သမား ၁၀၀ ကျော်ကလည်း ၀န်းရံ၍ အင်အားပြနေကြကြောင်း မျက်မြင်တဦးက ပြောသည်။ ဆရာဦးဝင်းတင်မှာ ကျန်းမာရေး အနည်းငယ် ချို့ယွင်းနေသည့်ကြားက ၀တ္တရားတခုအဖြစ် အင်းစိန်ထောင်ရှေ့သို့ ဒေါ်စုရုံးချိန်းနေ့တိုင်း လာရောက်လျက်ရှိသည်။
(ဓာတ်ပုံ - ရွှေဂုံတိုင် အင်န်အယ်ဒီရုံးချုပ်၊ သတင်းစာရှင်းလင်းပွဲတွင် တွေ့ရသော ဦးဉာဏ်ဝင်း၊ ပါတီဝင်များနှင့် သတင်းသမားများ)
အင်န်အယ်ဒီပါတီက ဦးဝင်းတင်က ပါတီအစည်းအဝေးရှိသဖြင့် အချိန်စောစောပြန်သွားသည်ကို တွေ့ရသည်။ ပါတီ၏ ထင်ရှားသူ လူငယ်တဦးဖြစ်သူ ဖြူဖြူသင်းကိုလည်း ပြည်သူတို့နှင့်အတူ တွေ့ရသည်ဟု ဆိုသည်။ တရားခွင်တွင် ဒေါ်စုဘက်မှ သက်သေတို့ကို အချိန်အတော်ကြာ တင်ပြလျှောက်လဲခွင့်ရသည်ဟု သိရသည်။ ထုံးစံအတိုင်းပြုနေကြ သတင်းစာရှင်းလင်းပွဲမှာ ညနေ ၅ နာရီထက် နောက်ကျပြီးမှ ပြုလုပ်ဖြစ်သည်။
နောက်ထပ်ရုံးချိန်းကို ဇူလိုင် ၂၄ သို့ ချိန်းဆိုသည်ဟု သိရသည်။ ဇူလိုင် ၁၉ တွင် ကျရောက်သည့် မြန်မာပြည်၏ အာဇာနည်နေ့ အခမ်းအနားကို အတိုက်အခံပါတီက ကျင်းပရန် စီစဉ်နေသည် ဖြစ်ရာ ဒေါ်အောင်ဆန်းစုကြည်အနေဖြင့် အာဇာနည်နေ့ကို သည်တခေါက် အင်းစိန်ထောင်အတွင်းမှ ဖြတ်ကျော်ရမည်ဖြစ်သည်ဟု ပြောဆိုနေကြသည်။
မြန်မာနှင့် မြောက်ကိုရီးယား စစ်ဘက်ဆိုင်ရာ လျှို့ဝှက်ဆက်ဆံရေးသတင်းများ ပျံ့နှံ့နေချိန်တွင် မြောက်ကိုရီးယားတို့ ရန်ကုန်မြို့ အာဇာနည်ဗိမ္မာန်ကို ဗုံးဖောက်ခွဲခဲ့သည့် မှတ်တမ်းများက မြန်မာပြည်သား အင်တာနက် အသုံးပြုသူများထံသို့ ရောက်ရှိလာသည်။
http://www.youtube.com/watch?v=eTgP8B-IGug တွင် ဖော်ပြထားသော ရုပ်မြင်သံကြား သတင်းမှတ်တမ်းသည် ယမန်နှစ်ကပင် အင်တာနက်တွင် ဖော်ပြထားပြီး ဖြစ်သည်။
ယခု ရက်ပိုင်းအတွင်း ပြန်လည် ပျံ့နှံ့နေသော အဆိုပါ မှတ်တမ်းတွင် ၁၉၈၃ ခုနှစ်က တောင်ကိုရီးယား သမ္မတ နှင့် ၀န်ကြီးများ ရန်ကုန်သို့ အလည်အပတ် ရောက်ရှိစဉ် ဗုံးဖောက်ခွဲ တိုက်ခိုက်ခံရပုံကို မှတ်တမ်းတင်ထားခြင်း ဖြစ်သည်။
ထိုတိုက်ခိုက်မှုကို ရန်ကုန်မြို့ မြောက်ကိုရီးယားသံရုံး နှင့် မြောက်ကိုရီးယား ကွန်မန်ဒိုများ ပူးပေါင်း ဆောင်ရွက်ခဲ့ခြင်းဖြစ်သည်။
တိုက်ခိုက်မှုကြောင့် တောင်ကိုရီးယား အစိုးရကိုယ်စားလှယ်အဖွဲ့ဝင်များ၊ မြန်မာသတင်းထောက်များ စုစုပေါင်း ၂၁ ဦး သေဆုံးခဲ့သည်။ ၄၆ ဦး ဒဏ်ရာရခဲ့သည်။ ဗုံးပေါက်ကွဲချိန်တွင် အဓိကပစ်မှတ် တောင်ကိုရီးယား သမ္မတ ချန်ဒူးဝမ်က ထိုနေရာသို့ သွားနေချိန် ဖြစ်သောကြောင့် လွတ်မြောက်သွားသည်။
တိုက်ခိုက်မှုအပြီး ရက်ပိုင်းအတွင်း မြန်မာအစိုးရက မြောက်ကိုရီးယား သံတမန်များကို နှင်ထုတ်ပြီး၊ သံအဆက်အသွယ်များ ဖြတ်တောက်လိုက်သည်။
၂၆ နှစ်အကြာ ၂၀၀၇ ခုနှစ်တွင် နှစ်နိုင်ငံ သံအဆက်အသွယ် ပြန်လည် ပြုလုပ်ခဲ့သည်။
ရန်ကုန်တွင် ဗုံးခွဲတိုက်ခိုက်မှုနှင့် ပတ်သက်ပြီး မြောက်ကိုရီးယားက မြန်မာအစိုးရကို လူသိရှင်ကြား တောင်းပန်ခြင်း မရှိသေးပေ။
သံတမန် ပြန်လည် ဆက်သွယ်သည် ဆိုသော်လည်း သံရုံး၊ ကောင်စစ်ဝန်ရုံးတို့ကို ဖွင့်လှစ်ထားခြင်း မရှိကြသေးပေ။
