ဒေါ်အောင်ဆန်းစုကြည်၏ နေအိမ်ပြုပြင်ခြင်း ရပ်ဆိုင်းရန် တားမြစ်ခံရ

ဒေါ်အောင်ဆန်းစုကြည်၏ နေအိမ်ပြုပြင် နေခြင်းလုပ်ငန်း အရပ်ရပ်ကို နောက်ထပ် အမိန့်တစုံတရာ မရမခြင်း ရပ်ဆိုင်းထားရန် မနေ့က နံနက် ၁၀နာရီ ခန့်တွင် ရန်ကုန်မြို့တော် စည်ပင်သာယာရေး ကော်မတီမှ စာပေးပို့ တားမြစ်ခဲ့သည်ဟု ဒေါ်အောင်ဆန်းစုကြည် အယူခံအတွက် ပြင်ဆင်ရန် သွားရောက် တွေ့ဆုံ ဆွေးနွေးခဲ့သူ ဦးဥာဏ်ဝင်းက ပြောပြခဲ့ပါသည်။
ထိ်ုအမိန့်စာအရ အင်ဂျင်နီယာနှင့် အလုပ်သမား အားလုံးကို ပြန်လွှတ်ခဲ့ရ သလို ပြုပြင်လက်စ အပြီးမသတ် ရသေးသော ပြူတင်းပေါက်နှင့် တံခါးပေါက်များရှိနေပြီး ဒေါ်အောင်ဆန်းစုကြည်၏ လုံခြုံရေးအတွက် စိုးရိမ်စရာ ဖြစ်နေကြောင်း ဦးဥာဏ်ဝင်းက ဆက်လက်ပြောပြသွားပါသည်။
ရန်ကုန်မြို့တော် စည်ပင်သာယာရေး ကော်မတီက ဒေါ်အောင်ဆန်းစုကြည်၏ အိမ်ပြုပြင်ခွင့်ကို ခွင့်ပြုခဲ့၍ ပြင်ဆင်နေချိန်တွင် ယခုကဲ့သို့ ပြန်လည်တားမြစ်ခဲ့ရခြင်းမှာ သူမ၏ အကို အမေရိကန် နိုင်ငံသား အဖြစ် ခံယူထားသူ ဦးအောင်ဆန်းဦး၏ ရှေ့နေက ကန့်ကွက်ခဲ့သောကြောင့် ဖြစ်သည်ဟု သိရပါသည်။
ဒေါ်အောင်ဆန်းစုကြည်က သူမအနေဖြင့် ပြုပြင်မပြီးသေးသည့် တံခါးပေါက်နှင့် ပြူတင်းပေါက်များ ရှိနေသည့် လုံခြုံမှု မရှီတော့သည့် နေအိမ်တွင် နေထိုင်နေရ၍ သူမ၏ လုံခြုံမှုအတွက် လက်ရှိတာဝန်ရှိသူများ၏ တာဝန်သာ ဖြစ်ကြောင်း သူ့ကို ပြောပြ ခဲ့သည်ဟုလည်း ဦးဥာဏ်ဝင်းက ပြောပါသည်။
သူ့အနေဖြင့် စည်ပင်သာယာ၏ အလျှင်စလို တားမြစ်မှုကို နားလည်နိုင်အောင် ဖြစ်ရကြောင်းနှင့် ထိုအမိန့် စာတွင် စုံစမ်း စစ်ဆေးမှုများ မပြီးမချင်းရပ်ဆိုင်းထား ရမည်ဟု ပါရှိသဖြင့် အချိန်ကာလ မည်မျှကြာအောင် စောင့်ရမည်ဟု မသိနိုင်ကြောင်း ဦးဥာဏ်ဝင်းက ပြောပြခဲ့ပါသည်။
၁၉၃၀ ခုနှစ်က တည်ဆောက်ခဲ့သော အင်္ဂလိပ်ခေတ်ပုံစံ အဆောက်အဦးတွင် ဒေါ်အောင်ဆန်းစုကြည်သည် ၁၉၈၈ခုနှစ် ဧပြီလ ၂ရက်နေ့ ကတည်းက စတင်နေထိုင်ခဲ့ပြီး မြေအခွန်အခများကိုလည်း ပေးဆောင်ခဲ့ပါသည်။
ဒေါ်အောင်ဆန်းစုကြည်၏ မိခင်ဖြစ်သူ ဒေါ်ခင်ကြည် သေဆုံးသည့် ၁၉၈၈ ခုနှစ်တွင် အကိုဖြစ်သူ ဦးအောင်ဆန်းဦးက ထိုနေအိမ်ကို ဒေါ်အောင်ဆန်းစုကြည် ဆန္ဒရှိသမျှ နေထိုင်ခွင့် ရှိကြောင်းနှင့် အကယ်၍ ရောင်းချ မည်ဆိုပါက ရောင်းရငွေကို တဝက်စီခွဲယူရန်ရန် သဘောတူညီကြောင်း စာချုပ်တွင် လက်မှတ်ရေးထိုး ပေးထားခဲ့ပါသည်။
ဦးအောင်ဆန်းဦးက ထိုအိမ်ကိစ္စ အတွက် ရန်ကုန်တိုင်းတရားရုံးတွင် ပိုင်ဆိုင်ခွင့် ကိစ္စနှင့် ပါတ်သက်၍ ၂၀၀၁ ခုနှစ်ကတည်းက ဦးတိုက်လျှောက်ထားခဲ့ရာ ယခု အချိန်အထိ ထိုအမှုမှာ ပြီးပြတ်ခြင်း မရှိသေးကြောင်း ကိုလည်း ဦးဥာဏ်ဝင်းက ဆက်လက်ပြောပြ သွားပါသည်။

၂၀၀၉ အတွင်း အကျဉ်းထောင်တွင်း နိုင်ငံရေးသမားတဦး တတိယမြောက် သေဆုံး

ထိုင်းနိုင်ငံ အခြေစိုက် အေအေပီပီ မြန်မာနိုင်ငံရေးအကျဉ်းသားကူညီစောင့်ရှောက်ရေးအဖွဲ့၏ သတင်းထုတ်ပြန်ချက်အရ အမျိုးသမီးနိုင်ငံရေးအကျဉ်းသား မတင်တင်ထွေး ခေါ် မပု ဒီဇင်ဘာ ၂၃ ရက်နေ့က အင်းစိန်ထောင်တွင် အစာအိမ်ပေါက်ပြီး ကွယ်လွန်သွားတယ်လို့ သိရပါတယ်။

၂၀၀၇ စက်တင်ဘာ ၂၆ - သံဃာအရေးတော်ပုံမှာ အခြားနိုင်ငံရေးလှုပ်ရှားသူ ၁၄ ဦးနှင့်အတူ အဖမ်းခံခဲ့ရပြီး နိုဝင်ဘာ ၂၄ မှာ အလုပ်ကြမ်းနဲ့ ထောင်ဒဏ် ၃ နှစ် ၃ လ ချမှတ်ခြင်း ခံခဲ့ရရပါတယ်။ မကွယ်လွန်မီ သာယာဝတီအကျဉ်းထောင်မှာ အစာအိမ်ဝေဒနာ ပြင်းပြင်းထန်ထန် ခံစားနေရလို့ အင်းစိန်ထောင်သို့ ပြောင်းရွှေ့ခဲ့ပြီး ကွယ်လွန်ခဲ့တာ ဖြစ်ပါတယ်။

၂၀၀၉ ခုနှစ်အတွင်းမှာ စစ်အစိုးရရဲ့ အကျဉ်းထောင်ထဲမှာ နိုင်ငံရေးအကျဉ်းသား ကွယ်လွန်ခဲ့ရတာ ၃ ဦး မြောက် ဖြစ်တယ်လို့ အေအေပီပီက သူတို့စာရင်းအရ ထုတ်ပြန်ပါတယ်။ ယခင်က ကွယ်လွန်ခဲ့သူတွေက ဆလိုင်းလှမိုးနဲ့ စောချာလိတ်တို့ ဖြစ်တယ်လို့ ဆိုပါတယ်။ မြန်မာပြည်မှာ လက်ရှိ နိုင်ငံရေးအကျဉ်းသာဦးရေ ထောင်နဲ့ချီပြီး ဖမ်းဆီးခံထားရချိန်မှာ ၁၉၈၈ မှ စတင်ရေတွက်လျင် အကျဉ်းထောင်တွင်း ကွယ်လွန်သူပေါင်း ၁၄၃ ဦး ရှိခဲ့ပြီလို့ စာရင်းအရ ရှိပြီ လို့ အေအေပီပီက ပြောပါတယ်။

University of Rangoon

ရန်ကုန်တက္ကသိုလ်

ဓာတ်ပုံသတင်း
ဇန်န၀ါရီ ၁၉၊ ၂၀၀၉

ရန်ကုန်တက္ကသိုလ် (ပင်မ) ရဲ့ အဓိပတိလမ်း အ၀င်ဝ ဆိုင်းဘုတ်ဖြစ်ပါတယ်။ တက္ကသိုလ် စိန်ရတု (၁၉၉၅) က မွမ်းမံထားခဲ့တဲ့ ဒီဆိုင်းဘုတ်ဟာ အခုဆို စာလုံးများ ကွာကျမတတ်ဖြစ်နေပါပြီ။


အဓိပတိလမ်းမပေါ်မှ ပါမောက္ခတွေနေတဲ့ အိမ်တွေဖြစ်ပါတယ်။
နာဂစ်ကြောင့်အမိုးတွေ ပျက်စီးနေတာ ပြန်မပြင်နိုင်ရှာသေးဘူး။

ကျောင်းသားတွေ နေထိုင်ခဲ့ဖူးတဲ့ အဆောင်တဆောင်ရဲ့ ပျက်စီးနေတဲ့ မြင်ကွင်းဖြစ်ပါတယ်။ သစ်ပင်ကြီးက ပြိုလဲပြီး၊ အမိုးတွေကလည်း ပေါက်ပြဲနေပါတယ်။

အဓိပတိလမ်းမပေါ်ကပါပဲ။ ကျောင်းသားအဆောင်တွေရှေ့က ခြံစည်းရိုး။

အဓိပတိလမ်းမဘေးက ကြေမွနေတဲ့ ပလက်ဖောင်း။ ၀ါးလုံးတိုင်နဲ့ ကျားကန်ထားရတဲ့ ခြံစည်းရိုး။

ခြံစည်းရိုးတွေရဲ့ အနီးကပ်ပုံ။

တက္ကသိုလ်များ စာကြည့်တိုက်ရှေ့က နှစ်ခုပေါင်းမှ အင်္ဂါစုံမယ့် ခုံတန်းလေးနှစ်ခုက မျက်နှာချင်းဆိုင်နေတယ်။ တခုက ကျောမှီ မရှိတော့ဘူး။ တခုက ထိုင်စရာ မရှိတော့ဘူး။ ဒါရော နာဂစ်ကြောင့်ပဲလား။

ဒါကတော့ သစ်ပင်ငုတ်တိုလေး တခုရဲ့ နောက်က တက္ကသိုလ် စာကြည့်တိုက်မြင်ကွင်း။

အပန်းဖြေရိပ်သာ (RC) ရဲ့ အမိုးကတော့ တပြောင်ပြောင် ဖြစ်သွားပါပြီ။

သစ်ပုပ်ပင်အနီး အဓိပတိလမ်းမဘေးမြင်ကွင်း။ အုတ်တိုင်တွေပြိုကျသွားလို့ သစ်သားတိုင်တွေနဲ့ အစားထိုးထားတဲ့ ခြံစည်းရိုး။

ဘွဲ့နှင်းသဘင်ခန်းမကို သိပ္ပံဆောင်ရှေ့ကနေ လှမ်းမြင်ရပုံ။

ဒါကတော့ အဓိပတိလမ်းမတည့်တည့်က နေ လှမ်းမြင်နေရတဲ့ ခန့်ထည်နေဆဲ ဘွဲ့နှင်းသဘင်။

ပိတ်လှောင်ထားတဲ့ ခြံစည်းရိုးထဲက ထိုးထွက်ခက်ဖြာနေတဲ့ သစ်ပုပ်ပင်ကြီး။

ရွှေဘိုဆောင်နောက်ဘက်ကနေ RC ထဲကို ၀င်တဲ့ လမ်းကြားလေး။ အမိုးတွေ ပေါက်ပြဲနေတယ်။
အတွင်းပိုင်းမြင်ကွင်း။

ဂျပ်ဆင်ကြီးက ထီးထီးမားမား ရပ်နေဆဲပါ။

ဂျပ်ဆင်ရှေ့က ဆိုင်းဘုတ်ပြာရယ်.. သစ်ကိုင်းလေးနဲ့ ထောက်ထားရတယ်။

ခြုံနွယ်ပိတ်ပေါင်းကြားက သီရိဆောင်။ ကျက်သရေ ပြည့်ဝနေသေးရဲ့လား။

ရွှေဘိုဆောင်နဲ့ ဒဂုံဆောင်တို့ကြားက ပေါင်းကူးနေရာလေး။

အဲဒီပေါင်းကူးဘေးက တောင်ငူဆောင်ဘက် သွားတဲ့လမ်းမှာ အတုံးအရုံး ကျဆုံးနေတာ ဘာတွေပါလိမ့်။

အရိုးကျဲကျဲနဲ့ အမိုးပြဲနေသော ဒဂုံဆောင်။

တောင်ငူဆောင်ရဲ့ ရှေ့တည့်တည့် မြင်ကွင်း။

တောင်ငူဆောင်ရှေ့မှာ ရေကန်တခု အသစ်လုပ်ထားတယ်။ ဘေးမှာ ခုံတန်းနဲ့ဘာနဲ့။ ရေကူးကန်တော့ မဟုတ်တာ သေချာတယ်။

ဝေသာလီဆောင်ရှေ့မှာတော့ ရှေးခေတ်သံပိုက်လုံးကို ဖြုတ်ထားတယ်။ ပလတ်စတစ်ပိုက်နဲ့ အစားထိုးမယ်။

ညီညီအောင် အင်းစိန်ထောင်တွင် အစာငတ်ခံ ဆန္ဒပြနေကြောင်း သူ၏ရှေ့နေ ပြောပြ

ကိုညီညီအောင် ခေါ် ကိုကျော်ဇောလွင် (photo: moemaka)

မြန်မာပြည်တွင် အကျဉ်းကျနေသော အမေရိကန် နိုင်ငံသားတဦးသည် အစာငတ်ခံ ဆန္ဒပြလျက်ရှိကြောင်း သူ၏ ပြည်ပမှ ရှေ့နေက သောကြာနေ့တွင် ပြောလိုက်သည်။

မြန်မာပြည်ဖွား ကျော်ဇောလွင် ခေါ် ညီညီအောင်သည် နိုင်ငံရေး အကျဉ်းသားများအတွက် ပိုမို ကောင်းမွန်သည့် အခြေအနေများ ရရှိရန် တောင်းဆိုသည့် အနေဖြင့် ဒီဇင်ဘာ ၄ ရက်နေ့မှ စတင်ပြီး အစားအစာ လက်ခံခြင်း မရှိတော့ကြောင်း ဝါရှင်တန်မှ သူ၏ ရှေ့နေ Beth Schwanke က ဆိုသည်။

အမေရိကန် သံတမန်များ သူ့ထံ သွားရောက်ခွင့် မရသေးကြောင်း၊ သောကြာနေ့က စီစဉ်ထားသော တရားရုံးချိန်းကိုလည်း သူ၏ ကျန်းမာရေး အခြေအနေကြောင့် ရွှေ့ဆိုင်းလိုက်ကြောင်း ရှေ့နေက ပြောသည်။

"ကျမတို့ တော်တော်လေး စိုးရိမ်နေပါတယ်" ဟု ရှေ့နေက AFP သတင်းဌာနကို ပြောသည်။ "သူ့ကျန်းမာရေး ဆိုးသည်ထက် ဆိုးလာတယ်လို့ ကျမတို့ သိရပါတယ်။ အမေရိကန် သံရုံးက သူနဲ့ သွားတွေ့ခွင့် မရသေးတော့ သတင်းတွေ သိပ်မရသေးပါဘူး" ဟု ဆိုသည်။

ညီညီအောင်သည် ဒီမိုကရေစီအရေး လှုပ်ရှား ဆောင်ရွက်သူတဦး ဖြစ်ပြီး စက်တင်ဘာ ၃ ရက်နေ့က ဖမ်းဆီးခံရခြင်း ဖြစ်ကြောင်း မြန်မာ့ နိုင်ငံရေးအဖွဲ့များက ပြောပြကြသည်။ အထိန်းသိမ်းခံနေရပြီး ကျန်းမာရေး မကောင်းသည့် သူ၏ မိခင်ထံ သွားရောက်စဉ် ထိုသို့ ဖမ်းဆီးခံရခြင်း ဖြစ်သည်ဟု ဆိုသည်။

တရားရုံးက သူ့ကို မြန်မာ မှတ်ပုံတင် အတု ကိုင်ဆောင်မှု၊ အကောက်အခွန်ဌာနတွင် ငွေကြေးနှင့် ပတ်သက်ပြီး ကြေညာရန် ပျက်ကွက်မှုတို့ဖြင့် စီရင်လျက် ရှိသည်။

သူက စွပ်စွဲချက်များကို ငြင်းဆိုထားသည်ဟု ရှေ့နေက ရှင်းပြသည်။ ရန်ကုန်လေဆိပ်ရှိ အကောက်အခွန်ဌာန စစ်ဆေးရေးဂိတ်သို့ မရောက်မီမှာပင် အဖမ်းခံရခြင်းဖြစ်သည်ဟု ဆိုသည်။

ညီညီအောင်သည် သူတဦးတည်းအတွက် မဟုတ်ဘဲ နိုင်ငံရေး အကျဉ်းသားများ အားလုံး တူညီသည့် အခွင့်အရေးများ ရရှိရေး အတွက် အစာငတ်ခံ ဆန္ဒပြနေခြင်းဖြစ်သည်ဟု ရှေ့နေက ပြောသည်။

"ညီညီအောင်က နိုင်ငံရေး အကျဉ်းသားအများစုထက် ပိုပြီးတော့ ကောင်းကောင်းမွန်မွန် နေရမယ်ထင်တယ်၊ ဘာဖြစ်လို့လဲ ဆိုတော့ သူက အမေရိကန် နိုင်ငံသား ဖြစ်နေတယ်လေ။ ဟိုတလောတုန်းကဆိုရင် သူ့ကုတင်မှာ ခင်းဖို့အတွက် အိပ်ရာခင်းတခုတောင် ရလိုက်သေးတယ်" ဟု ရှေ့နေက ပြောသည်။

သို့သော်လည်း အမေရိကန် ကောင်စစ်ဝန်ရုံးက သွားရောက် ကြည့်ရှုမှု မပြုနိုင်သည့် ပထမ ၂ ပတ်အတွင်း အစားအစာ၊ ကျန်းမာရေး စောင့်ရှောက်မှုများ မရရှိခဲ့ကြောင်း၊ အိပ်စက် အနားယူခွင့်လည်း မရခဲ့ကြောင်း ရှေ့နေများက ပြောကြသည်။

ဗိုလ်မှူးချုပ် ကျော်ဇော ၉၀ ပြည့်ပြီ၊ တပ်မတော်သားများကို ပြည်သူ့ဘက် ရပ်တည်ရန် မွေးနေ့တွင် တိုက်တွန်း

သမီးဖြစ်သူ ဒေါက်တာလှကျော်ဇော နှင့်အတူ တွေ့ရသည့် ဗိုလ်မှူးချုပ်ဟောင်း ကျော်ဇော (ဓာတ်ပုံ-RFA)

မြန်မာ့တပ်မတော်ကို စတင်တည်ထောင်သူတဦးဖြစ်သည့် ဗိုလ်မှူးချုပ်ဟောင်း ကျော်ဇောက တပ်မတော်သားများကို ပြည်သူများဘက်မှ ရပ်တည်ရန် ယနေ့ကျရောက်သည့် သူ၏ အသက် ၉၀ပြည့် မွေးနေ့တွင် ထပ်မံ တိုက်တွန်းလိုက်သည်။

BBC, RFA စသည့် ပြည်ပအခြေစိုက် အသံလွှင့်ဌာနများ မှတဆင့် ထိုသို့ တိုက်တွန်းလိုက်ခြင်း ဖြစ်သည်။

"တပ်မတော်သားတွေ ပြည်သူသာအမိ၊ ပြည်သူသာအဖ၊ ပြည်သူတွေရဲ့ မျက်နှာပဲ ကြည့်ကြပါ၊ ပြည်သူကို ရန်သူလို သဘောမထားလိုပါနဲ့လို့ ပန်ကြား လိုပါတော့တယ်" ဟု ဗိုလ်မှူးချုပ်ဟောင်း ကျော်ဇော၏ ပြောကြားချက်ကို ဘီဘီစီ အသံလွှင့်ဌာနက ယနေ့ နံနက်ပိုင်းတွင် ထုတ်လွှင့်သွားသည်။

ယခင်ကလည်း မြန်မာပြည် ဒီမိုကရေစီအရေးနှင့် ပတ်သက်ပြီး တပ်မတော်သားများကို ပန်ကြားခဲ့ဖူးသည်။

ဗိုလ်မှူးချုပ်ဟောင်း ကျော်ဇောသည် ဒုတိယကမ္ဘာစစ်အတွင်း မြန်မာ့တပ်မတော်ကို စတင်တည်ထောင်ခဲ့သည့် ရဲဘော် သုံးကျိပ်ဝင် ဖြစ်သည်။

ဗိုလ်ချုပ်အောင်ဆန်း၊ ဗိုလ်ချုပ်ကြီးနေဝင်းအပါအ၀င် ရဲဘော်သုံးကျိပ်ထဲမှ ၂၈ ဦး ကွယ်လွန်သွားပြီ ဖြစ်ပြီး ယခုအခါတွင် သက်ရှိထင်ရှား ရဲဘော်သုံးကျိပ်ဝင်မှာ ၂ ဦးသာ ကျန်တော့သည်။ တရုတ်နိုင်ငံတွင် ရောက်ရှိနေသော ဗိုလ်မှူးချုပ် ကျော်ဇော နှင့် အခြားတဦးမှာ မြန်မာနိုင်ငံတွင် နေထိုင်သည့် ဗိုလ်ရဲထွဋ် တို့ ဖြစ်သည်။

ဘီဘီစီ အသံလွှင့်ဌာနနှင့် ဆက်သွယ်ပြောဆိုရာတွင် ဗိုလ်မှူးချုပ် ကျော်ဇောက မြန်မာလူထုကိုလည်း အားပေးစကား ပြောကြားသွားသည်။

"ကျနော် ချစ်လှတဲ့ ပြည်သူတွေ အခုအထိ ဆင်းရဲတွင်း နက်နေသေးတဲ့အတွက် ကျနော် စိတ်မကောင်းနိုင်ပါဘူး။ ဒါပေမယ့် ကျနော်တို့ ပြည်သူတွေ မတရားမှု၊ ဖိနှိပ်မှု မျိုးစုံကို အလျှော့မပေးဘဲ တဗိုလ်ကျ တဗိုလ်တက်၊ တမျိုးဆက်ပြီး တမျိုးဆက် ဆက်လက် တိုက်ပွဲဝင်နေကြတာကို မပြတ် ကြားသိနေရတဲ့ အတွက် အဲဒီလို ပြည်သူမျိုးအတွက်တော့ ကျနော် အလွန် ဂုဏ်ယူပြီး အားရ ကျေနပ်မှု ရှိပါတယ်။ ဆက်လက်ပြီးတော့လည်း မလျှော့တမ်း ဇွဲနဲ့ ကြိုးစား အားထုတ်ကြပါလို့ အားပေး မှာကြားလိုပါတယ်။ စည်းလုံး ညီညွတ်ကြပါ၊ သဘောထားကြီးကြပါလို့ ပြောပါရစေ" ဟု ဆိုသည်။

"ပြည်သူအများ လိုလား တောင့်တတဲ့ ဒီမိုကရေစီစနစ်ဟာ အမြန်ဆုံး ရရှိနိုင်ပါစေ။ အားလုံး ကျန်းမာချမ်းသာကြပါစေ" ဟုလည်း ဆုတောင်း လိုက်သည်။

ဗိုလ်မှူးချုပ် ကျော်ဇောသည် လွတ်လပ်ရေးရပြီးနောက်ပိုင်း ရှမ်းပြည်နယ်အတွင်း ဖြစ်ပွားသော တိုက်ပွဲများတွင် အထူး ထင်ရှားပြီး အများ၏ လေးစားမှုကို ခံရသူ ဖြစ်သည်။ အာဏာရှင်ဦးနေ၀င်း၏လက်ရုံးများဖြစ်သည့် ဗိုလ်မှူးချုပ် သန်းတင်၊ သူရထွန်းတင်တို့ မကြာသေးမီနှစ်များအတွင်း ထုတ်ဝေခဲ့သော ကိုယ်တွေ့မှတ်တမ်း စာအုပ်များတွင်ပင် တရုတ်ဖြူတပ်များအား ရင်ဆိုင်ရစဉ်က စစ်ဆင်ရေးမှူးချုပ်အဖြစ် ဗိုလ်မှူးချုပ် ကျော်ဇော ဦးဆောင်မှုပေးခဲ့ပုံကို အလေးပေး ဖော်ပြထားသည်။

အာဏာရှင် ဦးနေ၀င်းက ၁၉၅၇ ခုနှစ်တွင် ဗိုလ်မှူးချုပ် ကျော်ဇောကို တပ်မတော်မှ ထုတ်ပယ်ခဲ့သည်။ ထိုအချိန်မှစပြီး ဗိုလ်မှူးချုပ် ကျော်ဇောသည် ပြည်တွင်းငြိမ်းချမ်းရေး လုပ်ငန်းများတွင် အားသွန်ခွန်စိုက် လုပ်ကိုင်ခဲ့သည်ဟု သိရသည်။

၁၉၇၆ တွင် ဗမာပြည်ကွန်မြူနစ်ပါတီ ထိန်းချုပ်ရာနယ်မြေသို့ တိမ်းရှောင်ခဲ့သည်။

အသက် ၈၄ နှစ်အရွယ်မှ စပြီး သူ၏ ကိုယ်တွေ့မှတ်တမ်းကို ပြုစုခဲ့ရာ ထိုမှတ်တမ်းများကို http://www.cpburma.org/biography.htm တွင် ဖတ်ရှုနိုင်သည်။

ထိုမှတ်တမ်းတွင် သူသည် ပဲခူးတိုင်း သုံးဆယ်မြို့ဇာတိဖြစ်ပြီး မိဘများမှာ လယ်သမားများဖြစ်ကြောင်း အစချီပြီး ကြုံတွေ့ခဲ့ရသည့် အဖြစ်အပျက်များ၊ လုပ်ဖော်ကိုင်ဖက်များအကြောင်းကို ဖော်ပြထားသည်။