မိုးမခအထောက်တော် ဝဝ၈
၈၈ ကျောင်းသားခေါင်းဆောင် နှင့် နိုင်ငံရေးအကျဉ်းသားဟောင်း တစ်ဦးဖြစ်သူ ကိုလေးလွင် (ခ) ကိုလေး သည် ကျန်းမာရေး အခြေအနေ ဆိုးရွားသဖြင့် ဆေးကုသမှု ခံယူနေရသည်။ အဆုတ်နှင့် ပတ်သက်သော ဝေဒနာနှင့် အခြားသော ဝေဒနာများကြောင့် ယခုနှစ်ဆန်းမှ စတင်ကာ ထိုင်းနိုင်ငံ ချင်းမိုင်(ဇင်းမယ်)မြို့တွင် ဆေးရုံသို့ အကြိမ်ကြိမ် တက်ရောက် ကုသမှု ခံယူနေရပြီး ၄င်း၏ ကျောင်းနေဖက် သူငယ်ချင်းများ၊ နိုင်ငံရေး လုပ်ဖော်ကိုင်ဖက်များက ၀ိုင်းဝန်း စောင့်ရှောက်လျက်ရှိသည်။
ကိုလေးလွင်သည် ၈၈ အရေးတော်ပုံ ပေါ်ပေါက်ရန် စတင်လှုပ်ရှားသူ တက္ကသိုလ်ကျောင်းသားများတွင် တစ်ဦး အပါအ၀င် ဖြစ်ပြီး အရေးတော်ပုံကာလအတွင်း မန္တလေးမြို့၌ ဦးဆောင်ပါဝင်ခဲ့သည်။ အရေးအခင်းပြီးနောက် ဗကသ မြေအောက် လှုပ်ရှားမှုများတွင် ပါဝင်ခဲ့ပြီး ၁၉၈၉ ခုနှစ်အတွင်း စစ်အစိုးရက ဖမ်းဆီးကာ ထောင်ဒဏ် ၅ နှစ် ချမှတ်ခဲ့သည်။ ၎င်းသည် လုံခြုံရေး အခြေအနေကြောင့် ၂၀၀၇ ခုနှစ်အတွင်း ထိုင်း-မြန်မာ နယ်စပ်မှတဆင့် ပြည်ပသို့ ထွက်ခွာခဲ့ပြီး နိုင်ငံရေး အကျဉ်းသားများ ကူညီစောင့်ရှောက်ရေး အသင်း - မြန်မာနိုင်ငံ (အေအေပီပီ) အပါအ၀င် လူ့အခွင့်ရေးအဖွဲ့များ၊ နိုင်ငံရေး အဖွဲ့ အစည်းများနှင့် အတူ မြန်မာ့ဒီမိုကရေစီရေး လှုပ်ရှားမှုတွင် ဆက်လက် ပါဝင်ခဲ့သည်။
လောလောဆယ်တွင် ၄င်း၏ ကျန်းမာရေး အခြေအနေမှာ တစုံတရာ စိုးရိမ်ရသော အခြေအနေတွင် ရှိနေပြီး ဆေးဝါးကုသမှု ကုန်ကျစရိတ်ကို မိတ်ဆွေအချို့က အဖွဲ့ငယ်လေး တစ်ခု ဖွဲ့စည်း ကောက်ခံကာ ကူညီလျက်ရှိသည်။ ဆက်သွယ်လိုသူများ ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အသင်း - မြန်မာနိုင်ငံ (အေအေပီပီ)၊ ဧရာဝတီ သတင်းဌာနနှင့် မိုးမခ သို့ ဆက်သွယ်နိုင်ပါသည်။
No comments:
Post a Comment