ကုလ ဒုက္ခသည်များ မဟာမင်းကြီး မြန်မာနိုင်ငံ ရောက်ရှိ

ကုလသမဂ္ဂ ဒုက္ခသည်များဆိုင်ရာ မဟာမင်းကြီး အန်တိုနီယို ဂူတာရပ်စ်။
အောက်တိုဘာ ၁၀၊ ၂၀၀၈။
VOA | လှေစီးပြေး ရိုဟင်ဂျာအရေးကိစ္စ အပါအ၀င် လူသားချင်း စာနာ ထောက်ထားမှုနဲ့ ပေးအပ်ကူညီနေတဲ့ အစီအစဉ်တွေနဲ့ ပတ်သက်လို့ မြန်မာ စစ်အစိုးရ အာဏာပိုင်တွေနဲ့ ဆွေးနွေးပြောဆိုဖို့ ကုလသမဂ္ဂ ဒုက္ခသည်များ ဆိုင်ရာ မဟာမင်းကြီး မြန်မာနိုင်ငံကို ရောက်နေပါတယ်။ ရိုဟင်ဂျာပြဿနာနဲ့ ပတ်သက်လို့ ကျယ်ကျယ် လောင်လောင် သတင်းတွေ ထွက်ပေါ်နေချိန် ဒေသတွင်း နိုင်ငံတွေကို လှည့်လည်သွားလာပြီး သက်ဆိုင်ရာ အစိုးရတွေနဲ့ ဆွေးနွေးပြောဆိုနေတဲ့ မဟာမင်းကြီး အန်တိုနီယို ဂူတာရပ်စ် (Antonio Guterres) ရဲ့ လတ်တလော မြန်မာနိုင်ငံခရီးစဉ်နဲ့ ပတ်သက်လို့ ကိုအောင်လွင်ဦး က တင်ပြပေးထားပါတယ်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီး အန်တိုနီယို ဂူတာရပ်စ် (Antonio Guterres) ရဲ့ ခရီးစဉ် ရည်ရွယ်ချက် ကတော့ မြန်မာနိုင်ငံမှာ လူသားချင်းစာနာမှုနဲ့ အကူအညီ အထောက်အပံ့တွေ ပေးအပ်နေတဲ့ ကိစ္စတွေ၊ နောက် ပင်လယ်ပြင်မှာ လှေစီးပြီး ထွက်ပြေးနေကြတဲ့ ရိုဟင်ဂျာတွေရဲ့ ပြဿနာတွေကို မြန်မာ စစ်အစိုးရ တာဝန်ရှိသူတွေနဲ့ ဆွေးနွေးကြဖို့ပါ။

မြန်မာနိုင်ငံမသွားခင် ထိုင်းနိုင်ငံမှာ သတင်းထောက်တွေနဲ့ တွေ့တုန်းကဆိုရင်လည်း သူ့ခရီးစဉ် အတွင်း တနေရာကနေ တနေရာ ပြောင်းရွှေ့ သွားလာ နေထိုင်နေတာတွေကို အားမပေးတဲ့ အခြေအနေမျိုးတွေ ဖြစ်မလာအောင်လို့ သာယာတဲ့ ဘ၀အခြေအနေတွေ ရရှိလာအောင် လူသားချင်း စာနာကူညီနိုင်မယ့် အခြေအနေတွေကို ချဲ့ထွင်သွားလိုတယ် ဆိုပြီးတော့လည်း ဆိုထားတာပါ။

မဟာမင်းကြီးရဲ့ မြန်မာပြည်ခရီးစဉ် အခြေအနေနဲ့ ပတ်သက်လို့ ရန်ကုန်မှာရှိတဲ့ လူသားချင်းစာနာမှု အကူအညီ ပေးရေး ညှိနှိုင်းဆောင်ရွက်မှုရုံးက ပြန်ကြားရေးအရာရှိ မစ္စ အက်စထရစ် ဆားလ် (Ms. Astrid Sehl) ပြောပြတာကတော့ …

“မဟာမင်းကြီးက ဒီကနေ့ နေပြည်တော်မှာ အစိုးရတာဝန်ရှိသူတွေနဲ့ တွေ့ပါတယ်။ လတ်တလောမှာတော့ ဒီထက် ထူးထူးခြားခြား ပြောနိုင်တာမျိုးတော့ မရှိသေးပါဘူး”

စနေနေ့ကပဲ မြန်မာနိုင်ငံကို ၆ ရက်ကြာ ခရီးစဉ်အဖြစ် သွားရောက်နေတဲ့ မဟာမင်းကြီးရဲ့ ခရီးစဉ်အတွင်း မှာတော့ ဒီလို အစိုးရတာဝန်ရှိသူတွေနဲ့ တွေ့ဆုံမှုတွေအပြင် ရခိုင်ပြည်နယ်နဲ့ မြန်မာနိုင်ငံ အရှေ့ တောင်ဘက်ပိုင်း မှာရှိတဲ့ ကုလသမဂ္ဂ ဒုက္ခသည်များဆိုင်ရာရုံး (UNHCR) ရဲ့ လုပ်ငန်းတွေကို သွားရောက် ကြည့်ရှုဖို့ အစီအစဉ်တွေလည်း ရှိတယ်လို့ ကုလသမဂ္ဂရုံး တာဝန်ရှိသူ အမျိုးသမီးက ပြောပါတယ်။

အစိုးရ တာဝန်ရှိသူတွေနဲ့ ဆွေးနွေးပြောဆိုမှုတွေနဲ့ ပတ်သက်လို့ အသေးစိတ် မသိရသေးပေမယ့် အခုခရီးစဉ် အတွင်း သတင်းတွေ ဟိုးလေးတကျော်ဖြစ်နေပြီး ဒေသတွင်းကိုပါ ရိုက်ခတ်နေတဲ့ ရိုဟင်ဂျာ အရေးကိစ္စလည်း ပါဝင်ဆွေးနွေးစရာ ရှိပါတယ်။

မဟာမင်းကြီးက သူ့ရဲ့ မြန်မာနိုင်ငံခရီးစဉ် မသွားခင်မှာတုန်းကလည်းပဲ ထိုင်းနိုင်ငံခြားရေးဝန်ကြီး ကဆစ် ပီယိုမြာ (Kasit Piromya) နဲ့ တွေ့ဆုံပြီးတော့ ရိုဟင်ဂျာပြဿနာကို ဆွေးနွေးခဲ့တာပါ။

မကြာသေးခင် လတွေကစလို့ မြန်မာနိုင်ငံနဲ့ ဘင်္ဂလားဒေ့ရ်ှနိုင်ငံတွေဘက်ကနေ ပင်လယ်ကို လှေနဲ့ဖြတ်ပြီး ထွက်ပြေးလာတဲ့ ရိုဟင်ဂျာတွေ ထိုင်း၊ အင်ဒိုနီးရှား၊ မလေးရှား စတဲ့နိုင်ငံတွေကို ရောက်လာလို့ ဒီကိစ္စကို ဒေသတွင်း ပြဿနာတခုအဖြစ် ကိုင်တွယ်ဖြေရှင်းဖို့ မကြာသေးခင်ကပဲ ကျင်းပခဲ့တဲ့ အရှေ့တောင်အာရှ နိုင်ငံများ အသင်း (အာဆီယံ) ရဲ့ ထိပ်သီး ဆွေးနွေး ပွဲမှာပါ ထည့်သွင်းပြောဆိုခဲ့ကြရတာပါ။

အဲဒီတုန်းကတော့ မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်းက ဒီအထဲက တချို့ဟာ မြန်မာနိုင်ငံ အနောက်ဘက် ရခိုင်ပြည်နယ်ထဲမှာ နေကြတဲ့ ဘင်္ဂါလီလူမျိုးတွေ ဖြစ်ကြတယ်၊ ဒီလူတွေဟာ မြန်မာနိုင်ငံမှာ နေထိုင်ကြောင်း အထောက်အထား ပြနိုင်ရင် ပြန်လက်ခံမယ်ဆိုပြီး ပြောခဲ့တာပါ။

ထိုင်းနိုင်ငံခြားရေးဝန်ကြီးကတော့ သက်ဆိုင်ရာ အဖွဲ့အစည်းတွေအတွက် ဘယ်သူက ရိုဟင်ဂျာဖြစ်တယ်၊ ဘယ်သူက ဘင်္ဂါလီလူမျိုးဖြစ်တယ် ဆိုတာကို ခွဲခြားရာမှာ အထောက်အကူဖြစ်စေမယ့် လက်စွဲစာအုပ်တအုပ်ကို မကြာခင် ထုတ်ဝေသွားမယ် ဆိုပြီးတော့လည်း ပြောဆိုခဲ့သလို ဒီလို ခွဲခြားသတ်မှတ်နိုင်ဖို့အတွက်ကိုလည်း UNHCR က ထိုင်းအစိုးရကို အကူအညီပေးသွားဖို့ နိုင်ငံခြားရေးဝန်ကြီးက တောင်းခံထားပါတယ်။



source by : http://www.voanews.com/burmese/2009-03-09-voa5.cfm