မိုးမခ အထောက်တော် (ရန်ကုန်)
မတ် ၁၂၊ ၂၀၀၉
မြန်မာနိုင်ငံ၏ အတိုက်အခံခေါင်းဆောင်၊ အင်န်အယ်ဒီပါတီ၏ ဦးဆောင်သူတဦးဖြစ်သူ သတင်းစာဆရာကြီး ဟံသာဝတီဦးဝင်းတင်၏ ၇၉ နှစ်ပြည့်မွေးနေ့ကို ဒီတနှစ်တွင် ဦးဦးဖြားဖြား အကျဉ်းထောင်ပြင်ပမှာ ကျင်းပဖြစ်ခဲ့သည်ဟု သိရသည်။
လွန်ခဲ့သည် ၁၉ နှစ် နီးပါး အင်းစိန်အကျဉ်းထောင်တွင်းမှာ စစ်အစိုးရ၏ မတရားဖမ်းဆီးထောင်ချခြင်း ခံထားရသူ၏ ပထမဦးဆုံး ထောင်ပြင်ပမွေးနေ့ မိတ်ဆုံပွဲကို ကြည့်မြင်တိုင်ရှိ စားသောက်ဆိုင်လေးတခုမှာ သူ့၏ရင်းနှီးသော စာနယ်ဇင်းမိတ်ဆွေ ၃၀ ခန့်နှင့် ပြုလုပ်ခဲ့သည်။
မွေးနေ့ရှင်က အမှတ်တရ စကားပြောကြားခြင်း မရှိပေ။ ရေဒီယိုတွေထဲမှာ သူပြောချင်တာတွေ ပြောလိုက်ပြီးပြီဟု ဆိုလိုက်ပြီး မိတ်ဆွေများနှင့် မမောနိုင် မပမ်းနိုင် ရှေးဟောင်းနှောင်းဖြစ်များ ပြောဆိုနေခဲ့ကြသည်ကို တွေ့ရသည်။ ညနေ ၄ နာရီခွဲက ဆုံကြပြီး ည ၇ နာရီ ခွဲတွင် လူစုခွဲကြကြောင်း၊ စစ်အစိုးရ၏ ထောက်လှမ်းရေးများက အနီးကပ်စောင့်ကြည့်နေကြောင်း မိတ်ဆွေတဦးက ပြောကြားသည်။
No comments:
Post a Comment