မေလ စာကိုး စကားကိုး

မေ ၃၀၊ ၂၀၀၉

“ကုမ်ရာသီဖွားမိန်းမတစ်ယောက် ဆိုတာကို သူတို့ရဲ့ ၀တ်စား ဆင်ယင်ပုံ ကြည့်တာနဲ့ကို သိနိုင်တယ်။ ခေတ်ရေစီးကြောင်းနဲ့အညီ ၀တ်ချင်မှဝတ်မယ်။ ကိုယ်နဲ့အဆင်ပြေတယ်ထင်ရင် ၀တ်လိုက်တာပဲတဲ့။ (အဲဒါတော့မှန်တယ်။ ဥပမာ… ဖက်ရှင်ဖြစ်နေတဲ့ ဒေါက်ကြီးစီးပြီး အရမ်းတော့ လှနေပါရဲ့၊ ခြေနာလို့ ထော့နဲ့နဲ့ကြီးဖြစ်နေတာမျိုး၊ Paris Hilton လို လှချင်လို့ လှည်းဘီးမျက်မှန်ကြီးဝတ်ပြီး မမြင်မစမ်းဖြစ်နေတာမျိုးတော့ မဖြစ်လိုဘူး၊ ကိုယ်နဲ့အဆင်ပြေပြီး လွတ်လပ်ပေါ့ပါးတဲ့ ၀တ်စားဆင်ယင်ပုံကို နှစ်သက်တာတော့ အမှန်ပဲ)”
အိမ့်ချမ်းမြေ့၊ ဘလော်ဂါ
ainchannmyay.com၊ မေ ၂၈

ဂျာနယ်အရောင်းသမား ဦးလှရွှေ (ဓာတ်ပုံ-မော်ဒန်)

“ဦးလှရွှေက ရွှေဆိုင်တစ်ခု အမည်ပါတဲ့ တီရှပ်ကို ၀တ်ထားတယ်။ တစ်မြို့လုံးအနှံ့ သွားနေတာမို့ စီးပွားရေး လုပ်ငန်းတွေက သူတို့လုပ်ငန်း ကြော်ငြာ ပါတဲ့ တီရှပ်တွေ ၀တ်ဖို့ သူ့ကို ပေးကြတယ်။ သူ့ရက်နဲ့သူ အလှည့်ကျ ၀တ်ပေးရတယ်လို့ ဦးလှရွှေက ဆိုတယ်”
ကျော်ရင်မြင့်၊ စာနယ်ဇင်းသမား
မော်ဒန် သတင်းဂျာနယ်၊ မေ ၁၅

ပါရဂူ

“အခု စုန်း၊ တစ္ဆေ၊ သရဲ၊ ပြိတ္တာ၊ ဂမ္ဘီရ ရေးသူ အများစုဟာ ကလောင်သစ်တွေ မဟုတ်ကြဘူး။ အတိတ်ကာလ တစ်ခုမှာ လက်သွက်ခဲ့တဲ့ ကလောင်ဟောင်းတွေ ဖြစ်တယ်။ အဲဒီ ကလောင်ဟောင်းတွေဟာ ဘ၀သရုပ်ဖော်ရေးရင် ကောင်းကောင်း ရေးနိုင်သူတွေချည်းပဲ။ သူတို့က ထုတ်ဝေသူတိုင်း မထုတ်တဲ့ ဘ၀သရုပ်ဖော် ၀တ္ထုတွေ မရေးချင်ကြတော့ဘူး”
ပါရဂူ၊ စာရေးဆရာကြီး
အလင်းတန်းဂျာနယ်၊ မေ ၁၈

“နတ်နဲ့ ပတ်သက်လို့ အပျိုတော်ယိမ်းပဲ ကပါတယ်။ ကိုကြီးကျော်၊ မင်းကြီး မင်းလေး အဲဒါတွေ လုံးဝ မကပါဘူး။ ပြောရရင် နတ်သီချင်းတွေ ဇာတ်ပေါ် တက်လာတာ ဘာသာရေးအရ ကြည့်ရင် အတော် ကြေကွဲရပါတယ်။ နတ်ဆိုတာ ကိုးကွယ်ရာ လို့ သတ်မှတ်ရင် မှားသွားပါလိမ့်မယ်။ ပရိသတ်ကြိုက်တယ် ဆိုပြီး နတ်သီချင်းဆို၊ နတ်က ကတာ ပရိသတ်ကို အဆိပ်ကျွေးခြင်းပါပဲ”
မိုးမင်း၊ ဇာတ်ဆရာ
နံနက်ခင်းသတင်းဂျာနယ်၊ မေ ၂၀

စောနန္ဒာ (ဓာတ်ပုံ-လျှပ်တပြက်ဂျာနယ်)

“ဆူလည်းဆူ ပညာလည်း ပေးရတာပေါ့။ အခု လက်ရှိ စားဝတ်နေရေးက သိပ်မလောက်ချင်တော့ဘူး။ ပေးနိုင်တဲ့ ညကြေးနဲ့ ကလေးတွေရဲ့ အသုံးစရိတ်နဲ့။ အဲဒါကျ ကလေးတွေက ဘာဘာညာညာ လုပ်ချင်တယ်။ အပြင်တွေ ထွက်ပြီး ကြားဖူးမှာပေါ့ အခြောက်တွေ offer လိုက်တာကို။ ကျွန်တော်က မလိုက်ခိုင်းဘူး။ - - - ညအိပ်ဧည့်သည် လက်မခံဘူး။ ပွဲ ကပြီးသွားတဲ့အခါ မုန့်ထွက်စားချင်ရင် သူတို့ကို နာရီဝက် အချိန်ပေးတယ်။ နာရီဝက် ပြီးလို့မှ ပြန်မလာင် တံခါး ပိတ်ပစ်လိုက်တယ်။ စောစောထဲက သူတို့ အသိတွေ ရှိရင် ဧည့်စာရင်းနဲ့ သွားနေလိုက်။ ရုံထဲမှာ နေရင်တော့ ဘယ်နှစ်နာရီ ပြန်လာဆို လာပဲ။ အကုန် လူတွေ လိုက်စစ်တယ်။ အဲဒီလို စည်းကမ်း သတ်မှတ်ထားတယ်”
စောနန္ဒာ၊ ‘မိုးကြိုးငှက်ငယ်လေးများ’ အကအဖွဲ့ ခေါင်းဆောင်
လျှပ်တပြက်ဂျာနယ်၊ မေ ၁၅

ဦးစိုးမြင့် (ဓာတ်ပုံ-ရန်ကုန်တိုင်းမ်)

“လက်ဖက်တို့၊ ငါးပိတို့ ဆိုတာ လူတွေ အမြဲတမ်း စားသုံးနေကြတဲ့ အစားအစာတွေပဲ။ အဲဒီ အစားအစာတွေမှာ ဘယ်လိုဓာတ်ပစ္စည်းတွေ ပါတယ် ဆိုတာ ပြည်သူတွေ မသိနိုင်ဘူး။ ဒီလို ဓာတုဆေးဝါးတွေ ပါရှိမယ် ဆိုရင်လည်း ဘယ်အဆင့်မှာ ပါသလဲ ဆိုတာ စစ်ဆေးပြီး တရားခံကို ဖော်ထုတ်သင့်တယ်”
ဦးစိုးမြင့်
ရန်ကုန်တိုင်းမ် ဂျာနယ်၊ မေ ၁၄

ဦးဝင်းဇော် (ဓာတ်ပုံ-နံနက်ခင်းသတင်းဂျာနယ်)

“ဆရာမင်းသိင်္ခက ဗေဒင်သင်တန်းတွေ ပေးပြီး တပည့်ပေါင်း များစွာ မွေးထုတ်ခဲ့ရာမှာ ကောင်းတဲ့လူ ရှိသလို မကောင်းတဲ့လူလည်း ရှိပါတယ်။ လောဘကြီးသူ၊ နည်းသူ စသည်ဖြင့် ရှိပါတယ်။ အစ်ကိုက ဗေဒင်ဟောတဲ့အခါ ယတြာကြေး မယူရဘူးလို့ ပြောထားပေမယ့် - - ကျန်းမာရေး မကောင်းသူ၊ ဆင်းရဲတဲ့သူ၊ အမှုအခင်း ဖြစ်နေတဲ့သူတွေကို ပိုက်ဆံ မယူရဘူး ပြောပေမယ့် ယူနေကြပါတယ်။ အောင်မြင်ရင် ဘာပေးရမယ် ဥပမာ အဲယားကွန်း တပ်ပေးရမယ်၊ ကော်ဇောခင်းပေးရမယ်၊ ပန်ကာကြီး တပ်ပေးရမယ် စသည်ဖြင့် လုပ်နေကြပါတယ်။ အဲဒီလိုလူတွေကို အထူး သတိထားကြပါ”
ဦးဝင်းဇော်၊ မင်းသိင်္ခ၏ညီ
နံနက်ခင်းသတင်းဂျာနယ်၊ မေ ၂၀

ဗိုလ်မှူးချုပ်ခင်ရီ

“ဒေါ်အောင်ဆန်းစုကြည်သည် သူမ၏နေအိမ်အတွင်း တရားမဝင် ဝင်ရောက်လာသည့် အမေရိကန် နိုင်ငံသား Mr. John William Yettaw ကို (၂) ရက်တိုင် နေထိုင်ခွင့် ပြုခြင်း၊ လက်ခံ စကားပြောခြင်း၊ အစားအသောက် ကျွေးမွေးခြင်း စသည့် ကူညီ ဆောင်ရွက်မှုများ ပြုလုပ်ခဲ့ခြင်းသည် တည်ဆဲ ဥပဒေ နှင့် ငြိစွန်းနေခြင်းကြောင့် မလွှဲမရှောင်သာ ၀မ်းနည်းစွာဖြင့် အမှုဖွင့် တရားစွဲဆိုခဲ့ရခြင်း ဖြစ်ပါကြောင်း”
ဗိုလ်မှူးချုပ်ခင်ရီ၊ မြန်မာနိုင်ငံရဲတပ်ဖွဲ့ ရဲချုပ်
ကြေးမုံသတင်းစာ၊ မေ ၂၇

မောင်အောင်မျိုး၏ စာအုပ်

“"ဖြတ်လေးဖြတ် ဗျူဟာ" လို့ ခေါ်တဲ့ သောင်းကျန်သူတွေ အပေါ် ရိက္ခာဖြတ်တာ၊ သတင်း အဆက် အသွယ် ဖြတ်တာ၊ ငွေကြေး ဘဏ္ဍာဖြတ်တာ၊ သုတ်သင် သတ်ဖြတ်တာတွေကို ဧရာဝတီ မြစ်ဝကျွန်းပေါ် ဒေသ နဲ့ ပဲခူးရိုးမ ဒေသ စစ်ဆင်ရေးတွေမှာ တပ်မတော်က ဆောင်ရွက်ခဲ့ကြပါတယ်။- - - စာရေးသူ မောင်အောင်မျိုးက ဒီစာအုပ်မှာ မှတ်တမ်း သဘောမျိုး အချက်အလက်၊ ဖြစ်စဉ်တွေကို စုစည်း ဖော်ပြ ခဲ့ပေမယ့် ဒီမူဝါဒအပေါ် သုံးသပ်ဝေဖန်ခဲ့တာ မတွေ့ရပါဘူး။ ကျနော် ဖတ်မိတဲ့ အငြိမ်းစား ဗိုလ်မှူးချုပ်သန်းတင် ရေးတဲ့၊ ၂ဝဝ၄ ခုနှစ် အမျိုးသားစာပေဆုရ "ကိုယ်တွေ့ဖြစ်ရပ်များ၊ စစ်ဆင်ရေးပြီး စစ်ဆင်ရေးမှ" ဆိုတဲ့ စာအုပ်မှာ ဖြတ်လေးဖြတ် စစ်ဆင်ရေး ဆောင်ရွက်ပုံ အသေးစိတ်ကို ဖော်ပြခဲ့တာကို ဖတ်ရပါတယ်။ ဧရာဝတီတိုင်းနဲ့ ပဲခူးရိုးမက ရွာတွေ အားလုံး နီးပါးကို ဖြတ်လေးဖြတ် စစ်ဆင်ရေးအတွက် ခြံခတ်ပြီး ထွက်ပေါက်တခုပဲ ရှိစေတာ၊ ရိက္ခာတွေကို စုစည်း သိမ်းခိုင်းထားတာ၊ ရွာသားတွေ သောင်း နဲ့ချီလို့ ဝိုင်းပတ် ပိတ်ဆို့ရေး ကိစ္စတွေမှာ အသုံးချ ခဲ့တာ၊ သူပုန် အမာခံလို့ မင်္သကာသူတွေကို ထိန်းသိမ်းရေး စခန်းတခုမှာ ထောင်နဲ့ချီပြီး စခန်းတွေမှာ လနဲ့ချီ ထိန်းသိမ်းခဲ့တာတွေကို ဖတ်ခဲ့ရပါတယ်”
အောင်သူငြိမ်း၊ ဘလော်ဂါ
http://yaw-han-aung.blogspot.com/ မေ ၁၆

အေးရိပ်မွန် ကျောင်းသူများ (ဓာတ်ပုံ-themandalayprojects.net)

“(စာသင်ကျောင်းက) တချို့ ဆရာ ဆရာမတွေက မျက်နှာလိုက်တာ ရှိပါတယ်ရှင့်၊ မိဘမဲ့ဆိုပြီး အပေါင်းအသင်း မလုပ်ချင်တဲ့သူလည်း ရှိပါတယ်ရှင့်၊ သမီးတို့ကို အရမ်းခင်တဲ့ သူငယ်ချင်းတွေလည်း ရှိပါတယ်ရှင့်”
၁၉၆၃ တွင် စတင်ခဲ့သည့် မန္တလေးမြို့ အေးရိပ်မွန် မိဘမဲ့ဂေဟာမှ ကျောင်းသူတဦး
bbcburmese.com ရေဆန်လေဆန်ဘ၀များအစီအစဉ်၊ မေ ၁၁

“ - - - နိုင်ငံတော်၌ ဝမ်းစာရိက္ခာ ဖူလုံရုံသာမက ပိုလျှံနေပြီဖြစ် - - - နောင်လူဦးရေ သန်း ၁ဝဝ တိုးပွားလာသည် အထိ စားနပ်ရိက္ခာ အတွက် ပူပန် ကြောင့်ကြရန် မရှိဘဲ လုံလုံ လောက်လောက် စားသုံးနိုင် - - - ”
ဗိုလ်ချုပ်မှူးကြီးသန်းရွှေ၊ စစ်အစိုးရခေါင်းဆောင်
ကြေးမုံ သတင်းစာ၊ မေ ၆

“တို့မြန်မာနိုင်ငံမှာ political process ဖြစ်ပေါ်လာတော့မယ် ဆိုတာကို ယုံကြည်ခဲ့ရင် ရွေးကောက်ပွဲ မ၀င်ပါဘူး၊ တပ်မတော်နဲ့ အရပ်ဘက် လူ့အဖွဲ့အစည်းအကြား ယုံကြည်မှု တည်ဆောက်တဲ့ပွဲမှာ ဆော်သြသူသာ ဖြစ်ချင်ပါတယ် လို့ သက်ဆိုင်ရာ အစိုးရ တာဝန်ရှိ အဖွဲ့အစည်းများဆီကို စာရေး ခွင့်တောင်းပြီး မြန်မာနိုင်ငံကို ပြန်လာခဲ့”
ကျော်စွာ၊ နိုင်ငံရေးဝါသနာရှင်
The Voice ဂျာနယ်၊ မေ ၁၈

ဦးသုဝေ

“တပ်မတော် အစိုးရက နှစ် ၂ဝ လောက် ကြာတဲ့အခါကျတော့ သူတို့ကလည်း ငြီးငွေ့နေပြီ။ ဒီမိုကရေစီကို လိုချင်နေပြီ”
ဦးသုဝေ၊ နိုင်ငံရေးသမား
မဇ္ဈိမ သတင်းဌာန၊ မေ ၄

ဒေါက်တာဇာနည်

“သန်းရွှေရဲ့ မိသားစုတို့၊ တေဇတို့၊ မောင်အေးတို့ အမေရိကန် မလာရဘူး၊ သူ့မြေးတွေ မလာရဘူးဆိုတာ၊ သူတို့ အမေရိကန် မသွားရလည်း သူတို့လိုချင်တာ အကုန်လုံးကို ရှန်ဟဲတို့၊ စင်္ကာပူတို့၊ ဟောင်ကောင်တို့၊ ဒူဘိုင်းတို့မှာ အကုန်ဝယ်လို့ ရတယ်။ သန်းရွှေက ဗမာပြည်မှာ မာစီဒီးကား စီးနေတယ်၊ သိတယ် မဟုတ်လား။ ဂျာမဏီကနေ မှာပြီးစီးနိုင်တဲ့ အဆင့်အတန်း ရှိတယ်။ အစကတည်းက ကျနော်တို့ ပြောလာတာက ဒီ နအဖက လူတွေကို ချစ်လို့၊ ထောက်ခံလို့ ပြောနေတာ မဟုတ်ဘူး။ ပီပီပြင်ပြင် မလုပ်လို့၊ ပီပီပြင်ပြင် မလုပ်တဲ့ အတူတူတော့ ကျနော်တို့က နာမည်ကြီး ထမင်းငတ်ဖြစ်တာပေါ့။ Sanction လုပ်ထားရပါတယ်လို့ ပြောပြီးတော့ ပီပီပြင်ပြင် မလုပ်တဲ့ အခါကျတော့ နာရမယ့် လူတွေမှာ မနာဘူး။ မနာရမယ့် လူတွေမှာ နာရတယ်။ နောက်တခါ နိုင်ငံရေးအရ အမြတ်မထွက်ဘူး။ အဲဒါကြောင့် ကျနော်တို့ activists တွေက ဒီဟာတွေကို သိပ်နားမလည်လို့လား၊ မဟုတ်ရင် အသိခေါက်ခက်နဲ့ သိသိကြီးနဲ့ပဲ လိုက်ပြီး မျှောနေတာလား။- - - - ဗမာပြည်က သယံဇာတတွေက ကျနော်တို့ ပြည်သူတွေကို အကျိုးဖြစ်တာ မဟုတ်ဘဲနဲ့ ပြည်သူတွေကို ကျိန်စာသင့်သလို ဖြစ်နေတာ။ အဲဒါကိုကိုင်ပြီးတော့ ဒီကောင်တွေက ပြည်သူတွေကို နှိပ်စက်နေတာ။ အဲဒီဟာ မရဘူးဆိုရင် သူတို့မှာ ဒီလူတွေက တိုင်းပြည်တိုးတက်အောင် လုပ်နိုင်တဲ့ အရည်အချင်းလည်း မရှိဘူး။ လုပ်နေတဲ့ အနေအထားလည်း မရှိဘူး။ လုပ်ချင်တဲ့ ဆန္ဒလည်း ရှိပုံမရဘူး။”
ဒေါက်တာဇာနည်၊ လန်ဒန်အခြေစိုက် မြန်မာ့အရေးလေ့လာသူ

ရန်ကုန်မြို့လယ် လမ်းမများ ရေမြှုပ်

ဓာတ်ပုံသတင်း
မေ ၃၀၊ ၂၀၀၉
ယမန်နေ့က ရေကြီးနေသော ရန်ကုန်မြို့လယ် တနေရာ။
ရေမြောင်းများ ပိတ်ဆို့နေသဖြင့် မိုးရွာသွန်းပြီးနောက် လမ်းပေါ်သို့ ရေကြီးရေလျှံရခြင်းဖြစ်သည်။ (ဓာတ်ပုံ-reuters)

Cartoon Maung Yit – They have been on the street and behind bars for 20 years,

should we be together with them “at home” ?

ဒေါ်စု ကျန်းမာရေး ထိခိုက်၊ ရုံးချိန်း နောက်ဆုတ်

Reuters သတင်းဌာန

ဒေါ်အောင်ဆန်းစုကြည်၏ ကျန်းမာရေးကို “အထူးစိုးရိမ်မိသည်”ဟု အမျိုးသား ဒီမိုကရေစီ အဖွဲ့ချုပ်က ယနေ့ ကြေငြာချက် ၁၆၊ ၀၅။ ၀၉ ထုတ်ြပန်ပြီး ပြောကြားလိုက်သည်။

“ဒေါ်အောင်ဆန်းစုကြည်က ကြွက်တက်တဲ့ ဝေဒနာကြောင့် ညဘက် ကောင်းကောင်း အိပ်လို့မရဘူးလို့ ကျနော်တို့ သိရတယ်” ဟု ဒေါ်အောင်ဆန်းစုကြည်၏ ရှေ့နေတဦးဖြစ်သူ ဦးဉာဏ်ဝင်းက ပြောသည်။

တရားရုံးက အပြီးသတ် လျှောက်လဲချက်များကို ကြားနာရန် တနင်္လာနေ့ (ဇွန် ၁ ရက်နေ့) ကို သတ်မှတ်ထားသော်လည်း ဇွန်လ ၅ ရက်နေ့သို့ ပြောင်းရွှေ့သတ်မှတ်လိုက်သည်ဟု ဆိုသည်။

အာဏာပိုင်တို့က မည်သည့်အကြောင်းကြောင့် ရုံးချိန်း ပြောင်းရွှေ့သည်ကိုမူ ပြောကြားခြင်းမရှိဟု ဦးဉာဏ်ဝင်းက ပြောသည်။

ကာတွန်း ဘိရုမာ - ဒေါ်စုအတွက် တပ်မတော်ကြီးရဲ့ မွေးနေ့လက်ဆောင်
Happy Birthday Daw Aung San Suu Kyi, the present from the Junta, never fails
July 11, 2008(Recollection)

ဒေါ်အောင်ဆန်းစုကြည်အတွက် ၆၄ - အင်တာနက်လှုပ်ရှားမှုကို ဗြိတိန်အစိုးရက အသိအမှတ်ပြု

မိုးမခ အထောက်တော် ၀၀၃

“ပြည်တွင်းက အတိုက်အခံပါတီကြီးနှင့်တကွ အတိုက်အခံခေါင်းဆောင်တွေကို ပြည်ပက အစိုးရတွေကိုယ်တိုင်က အသိအမှတ်ပြုကြောင်း နည်းမျိုးစုံနဲ့ ထုတ်ဖော်ပြသနေကြတယ်။ ဒီလိုမျိုး လက်ရှိအစိုးရတရပ်ရဲ့ မတရားမှုတွေကို တခဲနက် ၀ိုင်းဝန်းရှုံ့ချကြပြီး အတိုက်အခံပါတီနဲ့ ခေါင်းဆောင်ဖက်က ၀ိုင်းဝန်းရပ်တည်ပေးနေကြတဲ့ အခွင့်အရေးဟာ နိုင်ငံတကာမှာ မကြုံစဖူးတဲ့ အဖြစ်ကြီးတခုပဲ။ နိုင်ငံတကာက ဒီမိုကရေစီအင်အားစု အသီးသီးဟာ အင်န်အယ်ဒီနဲ့ ဒေါ်အောင်ဆန်းစုကြည်တို့ တောင်းဆိုမယ့် လိုအပ်ချက်တွေကို ဖြည့်ဆည်းပေးဖို့ အဆင်သင့်ရှိတယ်ဆိုတာကို ပြနေပြီ”

ဟု မြန်မာအရေးလှုပ်ရှားသူ ပြည်တွင်းက စာနယ်ဇင်းသမားတဦးက မှတ်ချက်ပေးသည်။

ယနေ့ ဗြိတိန်အစိုးရ နိုင်ငံခြားရေးကော်မရှင်ဆိုင်ရာ ၀က်ဆိုက် http://www.fco.gov.uk/en/ နှင့် ၀န်ကြီးချုပ်၏ ပြန်ကြားရေးဝက်ဆိုက် http://www.number10.gov.uk/ တို့တွင် မြန်မာပြည်လူ့အခွင့်အရေးလှုပ်ရှားမှု၊ ဒေါ်အောင်ဆန်းစုကြည် လွတ်မြောက်ရေးတို့ကို မီးမောင်းထိုးပြလိုက်ပြီး ဒေါ်အောင်ဆန်းစုကြည်အရေး အင်တာနက်လှုပ်ရှားမှု ၀က်ဆိုက်တခုကို ရွေးထုတ် အသိအမှတ်ပြုလိုက်သည်ကို တွေ့ရသည်။

ယမန်နေ့က လူများအကြား ရေပန်းစားလာသည့် www.64forsuu.org ၀က်ဆိုက်က ဒေါ်အောင်ဆန်းစုကြည် ၆၄ နှစ်ပြည့်မည့် မွေးနေ့ကို ရည်ရွယ်သည့်အပြင် ယခု သူမ လွတ်မြောက်ရေးအတွက် နိုင်ငံတကာ၏ အသံကို ထုတ်ဖော်တိုက်တွန်းသည့် လှုပ်ရှားမှု ဖော်ဆောင်ခြင်း ဖြစ်သည်။

ထို အင်တာနက်ဆိုက်တွင် အပြည်ပြည်ဆိုင်ရာ နိုင်ငံခေါင်းဆောင်များ၊ ပညာရှင်များ၊ ထင်ရှားသူများ၊ အစိုးရများ၊ အစိုးရမဟုတ်သည့် အဖွဲ့အစည်းများ၏ ထောက်ခံဆန္ဒပြုသည့် အသံများ၊ အရုပ်များ၊ ထုတ်ပြန်ချက်များနှင့် လှုပ်ရှားမှုများကို စုစည်းဖော်ပြထားသည်။ ပြည်သူတဦးချင်းစီ၏ ဒေါ်အောင်ဆန်းစုကြည်လွတ်မြောက်ရေးအတွက် ဆန္ဒပြု ထုတ်ဖော်ပြသမှုများကိုလည်း တင်ဆက်ထားသည်။

ယခုကဲ့သို့ အစိုးရအဖွဲ့တခုအနေဖြင့် တိုင်းပြည်တခု၏ အတိုက်အခံခေါင်းဆောင်လွတ်မြောက်ရေး အင်တာနက်လှုပ်ရှားမှုတခုကို ထုတ်ဖော်အသားပေးခြင်းမှာ ယခုအကြိမ်သည် မိမိ ကင်ပိန်းသက်တမ်း အနှစ် ၂၀ အတွင်း မကြုံစဖူး ထူးခြားလှသောအဖြစ်ဟု UK Campaign တာဝန်ခံတဦးဖြစ်သော Mark Farmaner က ၎င်း၏ Burma Media အီးမေးဂရုတွင် ထုတ်ဖော်ရေးသားထားသည်။

ဒေါ်အောင်ဆန်းစုကြည်၏ တရားခွင် သတ္တမမြောက်နေ့ - မြင်ကွင်း

မိုးမခ

မေ ၂၆၊ ၂၀၀၉

ဒေါ်အောင်ဆန်းစုကြည်အပေါ် ကန့်သတ်ထားသည့် နေအိမ်အကျယ်ချုပ် ၁၀ (ခ) ကို ပယ်ဖျက်ကြောင်း ရဲချုပ် ခင်ရီက သတင်းစာရှင်းလင်းပွဲတွင် ပြောကြားသည်။ ယခု ဒေါ်အောင်ဆန်းစုကြည်ကို နေအိမ်အကျယ်ချုပ်ဖြင့် ထိန်းသိမ်းခြင်း မဟုတ်ဘဲ အကျယ်ချုပ်ကို ဖောက်ဖျက်သဖြင့် ဆက်လက်ဖမ်းဆီး တရားစွဲဆိုထားသည့် သဘောဖြစ်နေသည်။

ဒေါ်အောင်ဆန်းစုကြည်က သီးခြားလျောက်လဲချက် ကို ရှေ့နေများကတဆင့်ပေးပြီး ဖတ်ကြားစေသည်ဟု ဆိုသည်။ ဒေါ်စုက သူ့တွင် အပြစ်မရှိဟု ပြောကြားခြင်း ဖြစ်သည်။ ဒေါ်စု၏ စတိတ်မင့်အဖြစ် တရားခွင်က မှတ်တမ်းတင်ရမည် ဖြစ်သော်လည်း ဒေါ်စုက တရားခွင်မေးခွန်းများကို အမေးမခံဟု ဆိုသည်။

ရှေ့နေဦးကြည်ဝင်း မှလွဲ၍ အခြားရှေ့နေများနှင့် ဒေါ်စုတွေ့ဆုံခွင့်ရသည်ဟု သိရသည်။ ဒေါ်ခင်ခင်ဝင်း၊ မ၀င်းမမနှင့် ယက်တောတို့ကို မနက်ဖြန်တွင် စစ်မေးမည်ဟု သိရသည်။ ဒေါ်စုဖက်မှ သက်သေများအဖြစ် ဦးဝင်းတင်၊ ဦးတင်ဦး (ယခုအကျယ်ချုပ်ခံနေရသူ ပါတီခေါင်းဆောင်)၊ ဒေါ်မိုးမိုး (ရှမ်းပြည်နယ်၊ လွှတ်တော်ကိုယ်စားလှယ်) တို့ လိုက်ပါမည်ဟု ဆိုသည်။ အမှန်တကယ် ခွင့်ပြုမည်ကို မသိရသေး။

အင်းစိန်ထောင်ရှေ့တွင် ပြည်သူများ လူ ၁၀၀ နီးပါး စုဝေးနေခဲ့ကြသည်ဟု ဆိုသည်။ ဒေါ်အောင်ဆန်းစုကြည်ကို စစ်အာဏာပိုင်များက နေအိမ်သို့ ခေါ်ဆောင်သွားသည်ဟုလည်း သတင်းထွက်ခဲ့သည်။

အင်န်အယ်ဒီပါတီက ကြေငြာချက် - ၁၂။၀၅။၀၉ နှင့် ထုတ်ပြန်ရာတွင် - လုံခြုံရေးဆိုင်ရာ ပုဂ္ဂိုလ်များ၊ လုံခြုံရေး ချိုးဖောက်သူများကို တရားရုံးက အရေးယူမှု၊ တရားစွဲဆိုမှု တစုံတရာမရှိခြင်း၊ နေ့စဉ်ရက်ဆက် စစ်ဆေးနေချိန်တွင် လွတ်လပ်ပြီး တရားမျှတမှု မရှိခြင်းတို့ကြောင့် အမျိုးသားပြန်လည်သင့်မြတ်ရေးဆောင်ရွက်သူ ဒေါ်အောင်ဆန်းစုကြည်ကို အမြန်ဆုံးလွှတ်ပေးရန် တောင်းဆိုကြောင်း ကြေငြာထားသည်ကို တွေ့ရသည်။

(ဓာတ်ပုံများ - မေ ၂၆၊ ၂၀၀၉ - အင်န်အယ်ဒီပါတီ ရုံးချုပ် သတင်းစာရှင်းလင်းပွဲ မြင်ကွင်း၊ ဦးဝင်းတင်၊ ဦးဉာဏ်ဝင်း၊ သတင်းထောက်များ၊ ပါတီဝင်များ)

ဒေါ်အောင်ဆန်းစုကြည်ကိုလွှတ်ရန် အိုဘားမား ပြောပြီ

AP သတင်းဌာန

သမ္မတ အိုဘားမားက ဒေါ်အောင်ဆန်းစုကြည်ကို ချက်ချင်း လွှတ်ပေးရန် မြန်မာစစ်အစိုးရအား ယမန်နေ့က တောင်းဆိုလိုက်သည်။

အိုဘားမား၏ ထုတ်ပြန် ကြေညာချက်တွင် ဒေါ်အောင်ဆန်းစုကြည်အား ထိန်းသိမ်းထားခြင်းကို ရှုတ်ချကြောင်း ဖော်ပြထားသည်။ တရားဥပဒေ နှင့် ပြည်သူလူထုကို လေးစားသောအားဖြင့် သူ့အား ချွင်းချက်မရှိ ချက်ချင်း လွှတ်ရန် တောင်းဆိုထားသည်။

အမျိုးသား ပြန်လည် သင့်မြတ်ရေးအတွက် အမျိုးသား ဒီမိုကရေစီ အဖွဲ့ချုပ်၊ တိုင်းရင်းသားအဖွဲ့များ၊ အတိုက်အခံ အဖွဲ့များနှင့် လက်တွဲ ဆောင်ရွက်ရန် အခွင့်အခါကောင်း ဖြစ်ကြောင်းကိုလည်း စစ်အစိုးရကို တိုက်တွန်းထားသည်။

အာဆီယံထုတ်ပြန်ချက် မြန်မာစစ်အစိုးရ ကန့်ကွက်

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို တရားစွဲဆို လိုက်တာနဲ့ ပါတ်သက်ပြီးတော့ အာစီယံ အလှည့်ကျ ဥက္ကဋ္ဌ ထုတ်ပြန်ခဲ့တဲ့ ကြေညာချက်ကို မြန်မာ စစ်အစိုးရက ပြင်းထန်တဲ့ အသုံးအနှုန်း တွေ သုံးပြီးတော့ ကန့်ကွက်ခဲ့ပါတယ်။ မေလ၁၉ရက်နေ့စွဲနဲ့ အာစီယံ အလှည့်ကျ ဥက္ကဋ္ဌ ထုတ်ပြန်ခဲ့တဲ့ ကြေညာချက်ထဲမှာ ဒေါ်အောင်ဆန်းစုကြည်ကို တရားစွဲဆိုတဲ့ အတွက် နိုင်ငံတကာမှာ မြန်မာ အစိုးရရဲ့ ဂုဏ်သိက္ခာကို ထိခိုက်စေတယ်လို့ ဖေါ်ပြထားပါတယ်။ အာစီယံ အလှည့်ကျ ဥက္ကဋ္ဌရဲ့  ကြေညာချက်ဟာ မြန်မာနိုင်ငံရဲ့  ပြည်တွင်းရေးကို ၀င်ရောက် စွက်ဖက်တာ ဖြစ်တယ်လို့ တနင်္ဂနွေနေ့က ထုတ်လွှင့်ပြသသွားတဲ့ အစိုးရ သတင်းထဲမှာ ပြောကြား သွားပါတယ်။ လက်ရှိ အာစီယံ အလှည့်ကျ ဥက္ကဋ္ဌ ဖြစ်တဲ့ ထိုင်းနိုင်ငံဟာ ဒီကြေညာချက်ကို တခြားအဖွဲ့ ဝင် နိုင်ငံတွေက အဆင့်မြင့် တာဝန်ရှိသူတွေနဲ့ ကြိုတင် ညှိနှိုင်းမှု မရှိဘဲ သဘောရိုးနဲ့ မဟုတ် ထုတ်ပြန်ခဲ့တာ ဖြစ်တဲ့အတွက် အာစီယံ အဖွဲ့ အတွင်းမှာ မကောင်းတဲ့ အစဉ်အလာကို ဖြစ်စေတယ်လို့ အစိုးရ သတင်းထဲမှာ ဖေါ်ပြပါတယ်။ အမေရိကန် လူမျိုး ဂျွန်ဝီလျှံ ယက်ထော မေလ ၃ရက်နေ့တုံးက ဒေါ်အောင်ဆန်းစုကြည် အကျယ်ချုပ် ခံထားရတဲ့ သူမရဲ့  ခြံဝင်းထဲကို ရေကူးသွားရောက်ကာ ၂ရက်ကြာ အောင်နေခဲ့တာနဲ့ ပါတ်သက်ပြီးတော့ ဒေါ်အောင်ဆန်းစုကြည်ကို စစ်အစိုးရက တရားစွဲဆို ထားပါတယ်။ ဒီလို တရားစွဲဆိုတာကို ကန့်ကွက်တဲ့ အနေနဲ့ ကမ္ဘာအရပ်ရပ်က မြန်မာ့အရေး လှုပ်ရှားသူတွေကလည်း ဆန္ဒပြမှုတွေ လုပ်နေကြတာမှာ တနင်္ဂနွေနေ့က ထိုင်းမြန်မာနယ်စပ်မှာ ဆန္ဒပြခဲ့ကြပြီး ဒေါ်အောင်ဆန်းစု ကြည်လွပ်မြောက်ရေး နိုင်ငံတကာ အသိုင်းအ၀ိုင်းက ဖိအားပေးကြဖို့ကို တောင်းဆိုခဲ့ပါတယ်။ ဒေါ်အောင်ဆန်းစုကြည်ရဲ့  အမှုကို အင်းစိန်ထောင်ထဲက အထူးတရားရုံးမှာ ဒီကနေ့ တနင်္လာနေ့မှာလည်း ဆက်ပြီးတော့ စစ်ဆေးမှာဖြစ်ပါတယ်။

ဒေါ်အောင်ဆန်းစုကြည် ရုးံချိန်းဒုတိယနေ့သို့ လာရောက်သည့် ပရိသတ်အပေါ် စစ်အုပ်စုက ပိုမိုရိုင်းပြ

ဒေါ်အောင်ဆန်းစုကြည် ရုးံချိန်းဒုတိယနေ့သို့ လာရောက်သည့် ပရိသတ်အပေါ် စစ်အုပ်စုက ပိုမိုရိုင်းပြ

မိုးမခ အထောက်တော် ၀၀၃

U Win Tin arriving near Insein Prison early morning of 19th May 2009

ရန်ကုန်မြို့၊ အင်းစိန်ထောင်တွင် ဒေါ်အောင်ဆန်းစုကြည်နှင့် အနီးကပ်မိတ်ဆွေများကို အကျယ်ချုပ်ဖောက်ဖျက်မှုနှင့် စစ်အစိုးရက တရားစွဲဆိုလျက်ရှိရာ ဒုတိယနေ့ ရုံးချိန်းရက်သို့ ရောက်ခဲ့ပြီ ဖြစ်သည်။ လမ်းမကြီးနှင့် လမ်းသွယ်များကို လက်နက်ကိုင် လုံခြုံရေးတပ်ဖွဲ့များက အဆင့်ဆင့် ပိတ်ဆို့ထားသည့်ကြားက နံနက်စောစောကတည်းက တရားရုံးစစ်ဆေးရာ အင်းစိန်ထောင်အနီးသို့ လူထုပရိသတ် ၁ ထောင် ကျော် လာရောက်ခဲ့ကြသည်။ အသက် ၈၀ အတွင်း ရောက်နေပြီဖြစ်သည့် အင်န်အယ်ဒီပါတီ၏ ခေါင်းဆောင်တဦးဖြစ်သူ ဦးဝင်းတင်နှင့် မိတ်ဆွေများ၊ ပါတီဝင်များကလည်း နံနက်ကတည်းက ရောက်ရှိနေခဲ့သည်ဟု ဆိုသည်။

Armed troops near Insein Prison

အင်းစိန်ထောင်နှင့် အနီးရပ်ကွက်များကို စစ်မက်ဖြစ်ပွားသည့်ဒေသသဖွယ် လက်နက်ကိုင်များ အပြည့်ချထားပြီး ပရိသတ်ကို ကြောက်လန့်ပြီး မလာရဲအောင် တမင်အင်အားပြချိန်းခြောက်နေသည်ဟု မျက်မြင်များက ဆိုသည်။ လက်နက်ကိုင် လုံခြုံရေးတပ်သားများအပြင် ကြံ့ဖွတ်များ၊ စွမ်းအားရှင်များကို လမ်းပေါ်သို့ လွှတ်ပေးထားပြီး ပရိသတ်နှင့် ထိပ်တိုက်ရင်ဆိုင်မှုများဖြစ်ပေါ်စေရန် ရန်စမှု၊ ရုန့်ရင်းကြမ်းတမ်းစွာ ပြောဆို ပြုမူမှုများ ပြုလုပ်ခိုင်းထားသည်ဟု ၎င်းတို့က ပြောသည်။

“အကျီ စိမ်းပြာ၊ လုံချည်စိမ်း ကန့်လန့်စင်း ၀တ်ထားတဲ့ မိန်းမကြံ့ဖွတ်တွေက ထောင်ရှေ့ကလူအုပ်ကြီးနားမှာ ခေါက်တုံ့ ခေါက်ပြန် သွားပြီး ဆဲဆိုနေတယ်။ ရဲတွေအပြင် အရပ်ဝတ်နဲ့ ကြံ့ဖွတ်တွေကိုလည်း အစိုးရအဆောက်အဦတွေ ရုံးတွေထဲမှာ အဆင်သင့် စောင့်ဆိုင်းခိုင်းထားတယ်။”

ဟု ပြည်တွင်းဂျာနယ်တခုက သတင်းသမားက ဆိုသည်။ ထိုအဖြစ်ကို မိမိဂျာနယ်ရုံးသို့ သတင်းပို့မည်ဖြစ်သော်လည်း ဂျာနယ်တွင် ဖော်ပြခွင့်တော့ ရမည် မဟုတ်ဟု သူက မှတ်ချက်ပေးသည်။

The Building in front of the platform where U Win Tin and his friends sat, Junta's "Thugs" were seen inside the building

“လူတွေကို ထိတ်လန့်အောင် စစ်ကားတွေ အတင်းမောင်း၊ စစ်သားတွေ ခုန်ဆင်း၊ သေနတ်နဲ့ ဟိုချိန် ဒီချိန်လုပ်။ လူတွေက လမ်းကြားထဲ ပြေးဝင်လိုက်၊ ပြန်ထွက်လာလိုက်။ ဦးဝင်းတင်တို့ ထိုင်နေတဲ့နေရာကို လာရန်စတာလည်း ရှိတယ်။ ဆရာထိုင်နေတဲ့ လမ်းဘေးက မျက်နှာချင်းဆိုင်တိုက်ထဲမှာ ကြံ့ဖွံ့ တွေ ရာနဲ့ချီပြီး စောင့်နေတယ်။ “စောင်” နေတယ်လို့ သိရတယ်။”

ဟု အင်န်အယ်ဒီလူငယ်တဦးက ၎င်းကြုံတွေ့ရသမျှကို ပြောပြသည်။

“အင်န်အယ်ဒီပါတီက ခေါင်းဆောင်တွေကို အိမ်တွေ၊ ရုံးတွေအထိ လိုက်ပြီး စောင့်ကြည့်နေတယ်။ ဒေါ်မေ၀င်းမြင့်နဲ့ ဒေါ်လဲ့လဲ့တို့ အိမ်တွေကို ဧည့်စာရင်းဝင်စစ်တယ်လို့ ပြောသံကြားတယ်။ အဖွဲ့ဝင်တွေအချင်းချင်းလည်း တဦးကို တဦး မျက်ခြေမပြတ် စောင့်ကြည့်နေရတယ်။ တော်ကြာ အစဖော်လို့ မရအောင် ပျောက်သွားမှာကို ကာကွယ်ဖို့ လိုတယ်။ ဆရာကြီး ဦးဝင်းတင်ကိုလည်း အားလုံးက စိုးရိမ်နေတယ်။ ကျန်းမာရေး၊ လုံခြုံရေး အားလုံးပဲ။” ဟု သူက ဆက်လက် ပြောဆိုခဲ့သည်။

Road Block in Insein Township

မြို့ထဲက မြင်ကွင်းကို ရန်ကုန်မြို့နေတို့က ပြောကြားရာတွင် -

“ စစ်ကားတွေက တမြို့လုံး လျောက်မောင်းနေကြတယ်ဆိုတော့ လူတွေကို လှုံ့ဆော်နေသလိုမျိုး ဖြစ်နေတယ်။ လက်နက်အားကိုးနဲ့ အနိုင်ကျင့်ပြနေသလို ခံစားရတယ်။ အင်တာနက်ကဖေးတွေမှာလည်း အစိုးရလူတွေက တိုးတိုးတမျိုး၊ ကျယ်ကျယ် တဖုံ သတင်းတွေ မဖတ်အောင်၊ မဖြန့်အောင်၊ အီးမေးတွေ မပို့နိုင်အောင် အနှောက်အယှက်တွေ ပေးတယ်။ ရုံးသမားတွေကတော့ တနေကုန် ဒီအကြောင်းပဲ ပြောနေကြတယ်။” ဟု သိရှိရသည်။

NLD Spoke-person U Nyan Win at NLD- HQ on Tuesday Afternoon

“စစ်အစိုးရကတော့ အချိန်ဆွဲပြီးတော့ မနေပါဘူး။ သူလုပ်စရာရှိတာကို သူ ပြတ်ပြတ်သားသား လုပ်မှာပဲ။ ဘယ်လိုမျိုး သူ ဖောက်ခွဲပစ်မလဲဆိုတာရယ်။ အင်န်အယ်ဒီက ဘယ်လိုမျိုး ပြင်ဆင်မှုတွေနဲ့ ရင်ဆိုင်မလဲ ဆိုတာရယ်ကို တွေ့ကြရတော့မယ်။”

ဟု သတင်းထောက်တဦးက သုံးသပ်သည်။

ကာတွန်း ဘီရုမာ - အပြောင်းအလဲ ဆိုတာ

Cartoon Beruma – Change we believe in ( the wrong way !!!)

Cartoon Beruma – Judgment Day of Burma

May 18^th , 2009

အင်းစိန်ထောင် ပတ်ဝန်းကျင် လုံခြုံရေးတင်းကြပ်ထား

မိုးမခ အထောက်တော် ၀၀၃

မေ ၁၈၊ ၂၀၀၉

ရန်ကုန်မြို့၊ အင်းစိန်ထောင်တွင် ချုပ်နှောင်ထားသည့် အတိုက်အခံခေါင်းဆောင် ဒေါ်အောင်ဆန်းစုကြည်ကို ရုံးထုတ်တရားစီရင်မည့်နေ့ဖြစ်ရာ ထိုဒေသအနီးတ၀ိုက်တွင် လက်နက်ကိုင်များ ချထားပြီး လမ်းများကိုလည်း ပိတ်ဆို့ထားသည်ကို တွေ့ရသည်။

“အင်းစိန် ဂုံးကျော်တံတားကို ပိတ်လိုက်တယ်။ သံဆူးကြိုးတွေ ချထားပြီး စစ်သားတွေက စောင့်နေတယ်။ အင်းစိန် လမ်းသစ်ဖက်မှာ စစ်ကား ၁၀ စီးကျော်၊ စစ်သားအပြည့် လက်နက်တွေနဲ့ စောင့်နေကြတယ်” ဟု မျက်မြင်တဦးက ဆိုသည်။

အင်းစိန်နှင့် အနီးတ၀ိုက်က ရပ်ကွက်တခုလျင် စွမ်းအားရှင် ၂ ဦးနှုံး ဆင့်ဆိုထားပြီး အင်းစိန်ထောင် ၀န်းကျင်လုံခြုံရေးအတွက် အရပ်ဝတ်နှင့် ချထားသည်ဟုလည်း ရပ်ကွက်တွင်းသတင်းများကတဆင့် သိရှိရသည်။

(ဓာတ်ပုံ - ဖရီးဒမ်း နယူးစ် ဂရုပ်)

ဒေါ်အောင်ဆန်းစုကြည်ကို ရုံးတင်တရားစွဲတဲ့ကိစ္စ ကမ္ဘာ့ခေါင်းဆောင်တွေ ရှုတ်ချ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို မေလ ၁၃ ရက်နေ့ မနက်က
အင်းစိန်ထောင်မှာ တရားစွဲပြီး ထောင်ထဲကို ပို့လိုက်တယ်ဆိုတဲ့သတင်း တကမ္ဘာလုံး
ဟိုးလေးတကျော် ဖြစ်သွားပြီးနောက် ကုလသမဂ္ဂ အတွင်းရေးမှူးချုပ် မစ္စတာ
ဘန်ကီမွန်း (Mr. Ban Ki-moon) အပါအ၀င် ကမ္ဘာတ၀န်းက နိုင်ငံ့ခေါင်းဆောင်တွေ၊
အဖွဲ့အစည်းအသီးသီးက စိုးရိမ်မကင်းဖြစ်ရကြောင်း၊ ဒေါ်အောင်ဆန်းစုကြည်
လွတ်မြောက်ရေးအတွက် တိုက်တွန်းထားသလို ခုလိုအခြေအနေမျိုးမှာ ရှေ့ဆက်
ဘာတွေလုပ်သင့်သလဲ၊ လုပ်ဖို့ရှိတယ် ဆိုတာတွေနဲ့ ပတ်သက်ပြီး သူတို့ရဲ့
သဘောထားတွေကို ထုတ်ပြန်ကြေညာခဲ့ပါတယ်။ နိုင်ငံတကာရဲ့ တုံ့ပြန်မှုအစုံစုံကို
နော်ရှိုးက တင်ပြပေးထားပါတယ်။

မနေ့တုန်းက ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းရဲ့ ပြောခွင့်ရပုဂ္ဂိုလ်
မစ္စ မာရီ အိုကဘဲ (Ms. Marie Okabe) က အတွင်းရေးမှူးချုပ်ရဲ့ သဘောထားနဲ့
ပတ်သက်ပြီး သတင်းထောက်တွေကို အခုလိုပြောခဲ့ပါတယ်။

“ဒေါ်အောင်ဆန်းစုကြည်ကို ရာဇ၀တ်မှု စွဲချက်တွေနဲ့ အင်းစိန်ထောင်ကို ပို့လိုက်ပြီဆိုတဲ့
သတင်းကြောင့် အထွေထွေအတွင်းရေးမှူးချုပ် အင်မတန် စိုးရိမ်မကင်း ဖြစ်ရပါတယ်။
ဒေါ်အောင်ဆန်းစုကြည်ဟာ မြန်မာနိုင်ငံမှာ အမျိုးသားရင်ကြားစေ့ရေးအတွက် တွေ့ဆုံ
စကားပြောရေးမှာ မရှိမဖြစ် အရေးကြီးတဲ့ ပုဂ္ဂိုလ်တယောက် ဖြစ်ပါတယ်။ မြန်မာနိုင်ငံ
ရဲ့ အမျိုးသား ရင်ကြားစေ့ရေး ဖြစ်စဉ်ကို အဟန့်အတားဖြစ်စေမယ့် အပြုအမူမျိုးကို
မြန်မာအစိုးရအနေနဲ့ ရှောင်ကြဉ်ကြဖို့ တိုက်တွန်းပါတယ်။ အတွင်းရေးမှူးချုပ်
အတန်တန်ပြောခဲ့ဘူးသလိုပဲ သူအပြည့်အ၀ ယုံကြည်တာက မြန်မာနိုင်ငံရဲ့ အနာဂတ်
အတွက် ဒေါ်အောင်ဆန်းစုကြည် အပါအ၀င် အုတ်တချပ်သဲတပွင့်အဖြစ် ပါဝင်ရမယ့်သူ
အားလုံးအနေနဲ့ လွတ်လွတ်လပ်လပ် ဆောင်ရွက်ပိုင်ခွင့်ရှိဖို့ လိုအပ်ပါတယ်။
ဒါမှသာလျှင် မြန်မာ့နိုင်ငံရေးဖြစ်စဉ်ဟာ လေးစားစိတ်ချနိုင်စရာ ဖြစ်လာမှာပါ။”

အလားတူ ကုလသမဂ္ဂ လူ့အခွင့်အရေးကော်မရှင်ရဲ့ မြန်မာနိုင်ငံဆိုင်ရာ အထူး
ကိုယ်စားလှယ်ဖြစ်သူ မစ္စတာ သောမတ်စ် အိုဟေး ကင်တားနား (Tomas Ojea
Quintana) ကလည်း အခုနောက်ဆုံး ဒေါ်အောင်ဆန်းစုကြည်ကို အရေးယူမှုဟာ
နိုင်ငံတကာဥပဒေ ရှုထောင့်ကနေရော မြန်မာအစိုးရဘက်က ကိုယ်တိုင်ထုတ်ပြန်ခဲ့တဲ့
၁၉၇၅ ခု နိုင်ငံတော်ကာကွယ်စောင့်ရှောက်မှု ဥပဒေနဲ့ပါ ဆန့်ကျင်နေကြောင်း
ပြောခဲ့ပါတယ်။

တဆက်တည်းမှာပဲ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary
Clinton) ကလည်း အမေရိကန်နိုင်ငံမှာ သူနဲ့ တရားဝင်တွေ့ဆုံဖို့ ရောက်နေတဲ့
မလေးရှားနိုင်ငံခြားရေးဝန်ကြီး ဒါတွတ်ခ် အန်နီဖာ အာမန် (Datuk Anifah Aman) နဲ့
ပူးတွဲသတင်းစာရှင်းလင်းပွဲတရပ် ကျင်းပပြီး ခုလိုပြောခဲ့ပါတယ်။

“ဒေါ်အောင်ဆန်းစုကြည်တယောက် အခြေအမြစ်မရှိတဲ့ စွဲချက်တွေနဲ့ အရေးယူခံလိုက်
ရတာကို ကြားရတာနဲ့ ကျမ အကြီးအကျယ် စိုးရိမ်မကင်း ဖြစ်ရပါတယ်။ ဒါဟာ တရား
ဥပဒေနဲ့ မကိုက်ညီသလို အာဆီယံပဋိညာဉ်၊ အမျိုးသားပြန်လည်ရင်ကြားစေ့ရေး
လုပ်ငန်းစဉ်တွေနဲ့လည်း မကိုက်ညီပါဘူး။ စစ်အစိုးရအနေနဲ့ ဒီဖြစ်ရပ်ကို အကြောင်း
ပြုပြီး ဒေါ်အောင်ဆန်းစုကြည်ကို ဥပဒေမဲ့ ဆက်ပြီးထိန်းချုပ်ထားဖို့ ကြိုးစားလိုက်တာကို
ကျမတို့ ကန့်ကွက်ပါတယ်။ သူ့ရဲ့ နေအိမ်အကျယ်ချုပ်ခံရတာ ၆ နှစ် မပြည့်ခင်လေးမှာ
ခုလိုဖြစ်သွားခဲ့ရတာပါ။ ဒါကြောင့် ဒေါ်အောင်ဆန်းစုကြည်ကို ချက်ချင်း အကန့်အသတ်
မရှိ လွှတ်ပေးပါလို့ စစ်အစိုးရကို တောင်းဆိုပါတယ်။”

ဆက်လက်ပြီး မစ္စကလင်တန်က သူ့ဘက်က ဘာတွေဆက်လုပ်မလဲဆိုတာကို ခုလို
ပြောပါတယ်။

“ဒီကိစ္စနဲ့ပတ်သက်ပြီး ကျမတို့အနေနဲ့ မလေးရှား အပါအ၀င် အာဆီယံနိုင်ငံတွေနဲ့
စကားပြောဖို့ ရှိပါတယ်။ အာဆီယံ အတွင်းရေးမှူးချုပ်နဲ့လည်း ကျမ တွေ့ဖို့ရှိပါတယ်။
ဒီကိစ္စနဲ့ပတ်သက်ပြီး အာရှဒေသတခုလုံးကနေပြီး ထုတ်ပြန်ကြေညာချက်တစောင်
ထုတ်ပြန်ဖို့ လိုအပ်တယ်လို့ ကျမတို့ထင်ပါတယ်။ ကျမတို့အနေနဲ့ တရုတ်နိုင်ငံကိုလည်း
ချဉ်းကပ်ပြီး ဆွေးနွေးသွားဖို့ ရှိပါတယ်။”

မလေးရှားနိုင်ငံခြားရေးဝန်ကြီး ဒါတွတ်ခ် အန်မန် ပြောခဲ့တာကတော့ …

“ခုလိုအချိန်မျိုးမှာ ကျနော်တို့က မြန်မာနိုင်ငံကို အထီးကျန် မချန်ထားချင်ပါဘူး။
ဒီကိစ္စနဲ့ပတ်သက်ပြီး ကျနော်တို့အနေနဲ့ အာဆီယံ အတွင်းရေးမှူးချုပ်ရုံးကနေတဆင့်
ထိတွေ့ဆက်ဆံ ပြောဆိုတဲ့ နည်းလမ်းနဲ့ အဖြေရှာချင်ပါတယ်။ ဖြစ်နိုင်ရင် အာဆီယံ
နိုင်ငံတွေအပြင် အာဆီယံ အပေါင်း ၃ နိုင်ငံတွေထဲက တရုတ်လိုနိုင်ငံမျိုးရဲ့ သဘော
ထားကို တီးခေါက်ပြီး သူတို့ဆီက အကူအညီနဲ့ ဖြေရှင်းနိုင်မယ့် နည်းလမ်းတွေကို
ကြိုးစားရှာမှာ ဖြစ်ပါတယ်။”

ဗြိတိန်ဝန်ကြီးချုပ်အပြင် ဥရောပသမဂ္ဂ (အီးယူ)၊ Amnesty International အဖွဲ့ကြီး
တို့ကလည်း ဒေါ်အောင်ဆန်းစုကြည်အတွက် စိုးရိမ်မကင်းဖြစ်ရကြောင်း၊ သူ့ကို
ချက်ချင်းပြန်လွှတ်ပေးဖို့၊ သက်ဆိုင်သူတွေအားလုံး ပါဝင်ခွင့်ရတဲ့ အမျိုးသားရင်ကြား
စေ့ရေးဖြစ်စဉ် စတင်ဖို့ တိုက်တွန်းထားကြပါတယ်။

တောင်အာဖရိကနိုင်ငံက နိုဘယ်လ်ငြိမ်းချမ်းရေးဆုရှင် ဘုန်းတော်ကြီး ဒက်စ်မွန်
တူးတူး (Desmond Tutu) ကလည်း ဒီလိုအရေးယူတဲ့ကိစ္စဟာ မိုက်မဲတဲ့လုပ်ရပ်ပဲလို့
ပြောခဲ့သလို ဒေါ်အောင်ဆန်းစုကြည်ကို မလွှတ်ဖို့ စစ်အစိုးရက အကြောင်းရှာနေတာ
ရှင်းပါတယ်လို့ အမေရိကန်သမ္မတဟောင်း ဂျင်မီ ကာတာ (Jimmy Carter) ကလည်း
ပြောပါတယ်။ ဒေါ်အောင်ဆန်းစုကြည်ကို တရားဥပဒေနဲ့အညီ မဟုတ်ဘဲ ထိန်းသိမ်း
ထားတာ ၁၃ နှစ် ရှိပါပြီ။ အခုအမှုကလည်း ဥပဒေနဲ့ မညီညွတ်ပါဘူးလို့ ယခင်
ကုလသမဂ္ဂ လူ့အခွင့်အရေး ကော်မရှင်မင်းကြီး မေရီ ရော်ဘင်ဆင် (Mary Robinson)
ကလည်း ပြောခဲ့ပါတယ်။

ဒေါ်အောင်ဆန်းစုကြည်အား ပုဒ်မ ၂၂ ဖြင့် တရားစွဲဆိုပြီး အင်းစိန်ထောင်တွင် ချုပ်နှောင်ထား

ဖြိုးကြီး

စစ်အစိုးရအာဏာပိုင်များက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အား အင်းစိန်ထောင်သို့ ခေါ်ဆောင်သွားပြီးနောက် နိုင်ငံတော်အား နှောင့်ယှက်ဖျက်စီးလိုသူများ အန္တရယ်မှ ကာကွယ်စောင့်ရှောက်သည့် အက်ဥပဒေ ပုဒ်မ ၂၂ ဖြင့် တရားစွဲဆိုလိုက်သည်။

နေအိမ်အကျယ်ချုပ်သက်တမ်းပြည့်၍ ပြန်လွတ်တော့မည့်အချိန်၍ နေအိမ်အတွင်းသို့ နိုင်ငံခြားသားတဦး ရေးကူဝင်ရောက်ခဲ့ခြင်းနှင့် ပတ်သက်၍ ယခုကဲ့သို့ အမှုထပ်မံစွဲဆိုလိုက်ခြင်းဖြစ်ပြီး ဒေါ်အောင်ဆန်းစုကြည်နှင့်အတူ နေထိုင်သည့် ဒေါ်ခင်ဝင်းနှင့် သမီးဖြစ်သူတို့ကိုလည်း ပုဒ်မ ၂၂/၁၀၉ ဖြင့် တရားစွဲဆိုထားသည်။

ဒေါ်အောင်ဆန်းစုကြည် (Photo:AFP)

ယင်းကဲ့သို့ ဒေါ်အောင်ဆန်းစုကြည်အား တရားစွဲဆိုခြင်းနှင့်ပတ်သက်၍ အမျိုးသားဒီမိုကရေစီအဖွဲ့ချုပ်က ယနေ့ပြုလုပ်သည့် ဗဟိုအလုပ်အမှုဆောင်အဖွဲ့ အစည်းအဝေးဆုံးဖြတ်ချက်အရ မလုပ်သင့်မလုပ်ထိုက်ကြောင်း၊ ပြင်းထန်စွာ ကန့်ကွက်ကြောင်း ကြေညာချက်ထုတ်ပြန်သည်။

ဒေါ်အောင်ဆန်းစုကြည်နေအိမ်သို့ အင်းလျားကန်ကို ဖြတ်ကူးကာ ဝင်ရောက်ခဲ့သည်ဟုဆိုသူ အမေရိကန်နိုင်ငံသားဖြစ်သူ ဝီလျှံ ယက်တောကိုလည်း လူဝင်မှုကြီးကြပ်ရေးနှင့် မြို့တော်စည်ပင်သာယာရေး အက်ဥပဒေများဖြင့် အရေးယူထားပြီး ၎င်းအနေဖြင့် မည်သည့်ရည်ရွယ်ချက်ဖြင့် ဝင်ရောက်ခဲ့သည်ကို မသိရှိရသေးပေ။

ဒေါ်အောင်ဆန်းစုကြည်အား ယခုလက်ရှိ အင်းစိန်ထောင်အတွင်း၌ သီးသန့်အိမ်တလုံးတွင် ချုပ်နှောင်ထားပြီး အဆိုပါအမှုကို ယခုလ (၁၈) ရက်နေ့တွင် စတင်စစ်ဆေးမည်ဖြစ်သည်။

Cartoon Maung Yit - Burma's Next Strategic Move - Let's go for 2010 Election !!!

( To Free Burma and To Free Aung San Suu Kyi)

ဒေါ်စုကို အင်းစိန်ထောင်တွင်း တရားရုံးသို့ ပို့ဆောင် AFP သတင်းဌာန မေ ၁၄၊ ၂၀၀၉

ဒေါ်စုကို တင်ဆောင်လာသော ယာဉ်တန်း အင်းစိန်ထောင်အနီးသို့ ရောက်ရှိလာစဉ် (photo: getty images)

အာဏာပိုင်တို့က ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ယနေ့နံနက်ပိုင်းက အကျဉ်းထောင်သို့ ခေါ်သွားကြောင်း၊ သူ၏ နေအိမ်အတွင်းသို့ ခိုးဝင်မှုဖြင့် တရားစွဲမည်ဖြစ်ကြောင်း သိရသည်။

ဒေါ်စု နှင့် အတူနေထိုင်ကူနေသော အမျိုးသမီး ၂ ဦး တို့ကို အင်းစိန်ထောင်တွင်း တရားရုံးတွင် ရုံးထုတ်မည်ဟု အမျိုးသား ဒီမိုကရေစီ အဖွဲ့ချုပ် ပြောခွင့်ရ အရာရှိ ဦးဉာဏ်ဝင်းက ပြောသည်။ မည်သည့် စွဲချက်များ တင်မည်ကို မသိရသေးဟု ဆိုသည်။

ဒေါ်စုသည် အထိန်းသိမ်းခံနေရသည်မှာ ၆ နှစ်ပြည့်ရန် ရက်ပိုင်းသာ လိုတော့သည့် အချိန်တွင် ဤအမှု ပေါ်ပေါက်လာခြင်း ဖြစ်သည်။

ဒေါ်စု၏ ရှေ့နေ ဦးကြည်ဝင်းက ယနေ့ အမှု စတင် စစ်ဆေးကြားနာသည့်အခါ ဒေါ်စုဘက်မှ ခုခံချေပနိုင်ရေးအတွက် အာဏာပိုင်တို့ထံမှ ခွင့်ပြုချက်ရပြီးဖြစ်သည်ဟု သိရသည်။

“ကျနော် အခု အင်းစိန်ထောင်ကို သွားမယ်။ ဘာအမှုတွေနဲ့ စွဲမယ်ဆိုတာတော့ မသိဘူး။ ကျနော် အတတ်နိုင်ဆုံး ကြိုးစား ဆောင်ရွက်ပေးမှာပါ” ဟု ဦးကြည်ဝင်းက AFP သတင်းဌာနကို ပြောသည်။

“ဒေါ်စုကို အိမ်ပြန်ပို့မယ့်ပုံတော့ မပေါ်ဘူး” ဟု ဦးကြည်ဝင်းက ပြောသည်။

အမေရိကန်ပြည်ထောင်စု အခြေစိုက် US US Campaign for Burma အဖွဲ့မှ ကိုအောင်ဒင်က “ဒေါ်အောင်ဆန်းစုကြည်ကို ၆ နှစ်အထိ ထိန်းသိမ်းထားလို့ ရတယ်ဆိုပြီး အာဏာပိုင်တွေက ပြောတယ်၊ အခု ဆက်ပြီး ဖမ်းထားဖို့ ပြင်ဆင်နေတယ်ဆိုတော့ ဒါက စစ်အုပ်စုရဲ့ ကောက်ကျစ်တဲ့ လုပ်ရပ်ပဲ ဖြစ်ပါတယ်” ဟု ဆိုသည်။

ကမ္ဘာ့ ပထမဦးဆုံးသော အတန်းတင်စာမေးပွဲ အောင်စာရင်း ထုတ်ပြန်ချက်

ပလိုင်းအိမ်နဲ့ ကျိုးကြေနေသော ဘဝများ

ခိုင်မာကျော်ဇော


ကျမ စာရေးဖို့ ကွန်ပြူတာရှေ့ထိုင်တော့ ကွန်ပြူတာဘေးမှာ ကျမ ရဲ့ ပလိုင်းအိမ် ကဗျာစာအုပ်လေးကို တွေ့လိုက်ရတယ်။ အတူနေတဲ့ အခန်းဖော်မိန်းကလေး ဖတ်လက်စ တန်းလန်းနဲ့ ထားသွားဟန်တူပါတယ်။ စာအုပ်မှာ မှတ်ရာလေး လုပ်ထားတာကို ကျမ တွေ့ရတယ်။ စာအုပ်လေးကို ကောက်ကိုင်လိုက်တော့ ပလိုင်းကြီးထဲက ဖိုးမူလေးရဲ့ ငိုမဲ့မဲ့အကြည့်နဲ့ ကျမ ထပ်ပြီး ဆုံရပြန်တယ်။

ကျမ ရင်ဘတ်တခုလုံး အောင့်တက်လာတယ်။

မျက်လုံးအိမ်ထဲလည်း မျက်ရည်တွေ အိုင်ထွန်းလာပြီး

မျက်ရည်ပေါက်ကြီးတွေက ကျမ မျက်နှာပြင်တခုလုံးကို ဖုံးလွမ်းသွားပါတော့တယ်။

ဖိုးမူလေးရဲ့ ငိုသံ သဲ့သဲ့လေးကို ကျမ အတိုင်းသား ကြားနေရတယ်။

(ဒီပလိုင်းကြီးထဲမှာ

ဖိုးမူ ဘယ်လောက်ကြာကြာ နေရမှာလဲ။

ပလိုင်းကြီးထဲမှာပဲ အိပ်

ပလိုင်းကြီးထဲမှာပဲ စား

ပလိုင်းကြီးထဲမှာပဲ နေ့ရောညပါ နေနေရတယ်)

ကျမရင်ထဲ ထိရှနာကျင်ခဲ့ရတဲ့ ကြေကွဲစရာတွေထဲက တခုပါပဲ။ အချိန်က မေလ ၂ဝရက်၊ ၂ဝဝ၇ ခုနှစ်။ သံလွင်မြစ်ကမ်းနံဘေးက ကရင်ပြည်တွင်းယာယီ ဒုက္ခသည်စခန်းတခုကို ဒုက္ခသည် ၂ဝဝ ကျော်နဲ့အတူ ပြေးလွှားရောက်ရှိလာတဲ့ ဖိုးမူတို့ မိသားစုနဲ့ ကျမ ဆုံခဲ့ရတယ်။

အမြောက်ဆံ ဗုံးဆံတွေကြားမှာ အလွယ်အပိုးကိုယ်စီနဲ့ အသက်လုပြေးလွှားခဲ့ရ၊ တောအထပ်ထပ် တောင်အထပ်ထပ်ကို၊ ချောင်းကြီး ချောင်းငယ် အသွယ်သွယ်ကို အငတ်ငတ် အပြတ်ပြတ်နဲ့ ဖြတ်သန်း ပြေးလွှားခဲ့ရတဲ့ ခြေကုန်လက်ပမ်းကျနေရတဲ့ ဒုက္ခသည်တွေကို မြင်ရတာဟာ

နာဇီအကျဉ်းစခန်းထဲက သု့ပန်းတွေလိုပါပဲ။ ဒီထဲကမှ မိဘတွေရဲ့ ပုခုံးပေါ်မှာထမ်းပိုးထားတဲ့ ပုလိုင်းကြီးတွေထဲက အားပြတ်၊ နွမ်းဖတ်နေတဲ့ ကလေးတွေကို မြင်ရတွေ့ရတာက ပိုပြီးကြေကွဲစရာ ကောင်းပါတယ်။



သူတို့လေးတွေဟာ မိဘတွေ မနိုင်တနိုင်ထမ်းပိုးထားရတဲ့ ပလိုင်းကြီးတွေထဲမှာ စားအိုးစားခွက်တွေနဲ့အတူ ခရီးကြမ်းကြီးထဲ လှုပ်မရ၊ ရွေ့မရ၊ ငိုကြွေးခွင့်မရပဲ လိုက်ပါလာကြသူတွေပါ။ စစ်တပ်စခန်းတွေနဲ့ ဝေးပြီလို့ ထင်ရတဲ့နေရာမှာ မိဘတွေ ခေတ္တခဏ နားကြရင်တောင်မှ သူတို့လေးတွေကတော့ သူတို့ရောက်ရှိနေတဲ့ ပလိုင်းကြီးတွေထဲက ထွက်ခွင့် မရကြပါဘူး။

စစ်တပ်တွေ နောက်က လိုက်လာနိုင်တယ်ဆိုတဲ့ စိုးရိမ်ပူပန်ချက်တွေကြောင့် သူတို့လေးတွေဟာ နေ့နေ့ညည ပလိုင်းကြီးတွေထဲမှာပဲ အိပ်၊ ပလိုင်းကြီးတွေထဲမှာပဲ စားသောက်နေထိုင်ပြီး လိုက်ကြရတာပါ။ လှုပ်မရ၊ ရှားမရ ပူအိုက်လောင်မြိုက်လွန်းလို့ ကလေးသဘာဝအရ ငိုကြွေးကြပြန်တော့လည်း သူတို့ရဲ့ ငိုသံကြောင့် ဒုက္ခရောက်မှာ စိုးရိမ်တဲ့အတွက် လမ်းပြတွေ၊ မိဘတွေက သူတို့လေးတွေကို ဘာမီတွန်ဆေးပြားတွေ တိုက်ကြပါတယ်။

ပလိုင်းကြီးတွေထဲ ချွေးတွေ၊ မျက်ရည်တွေနဲ့ လုံးထွေးစီးကပ်ပြီး နွမ်းဖတ်နေတဲ့ ကလေးတွေရဲ့ မျက်နှာလေးတွေကို မြင်ရတာနဲ့တင်၊ သူတို့လာရတဲ့လမ်း ဘယ်လောက် ကြမ်းတမ်းခက်ထန်တယ်ဆိုတာ သိသာပါတယ်။

ရွာတွေ၊ အိမ်တွေ ရှိရက်နဲ့။ ဥယျာဉ်ခြံတွေ၊ တောင်ယာတွေရှိရက်နဲ့ တောတွေတောင်တွေထဲ အသက်လု ပြေးလွှားနေရ၊ လှုပ်မရ ရှားမရတဲ့ ပလိုင်းကြီးထဲမှာ ဒုက္ခငရဲကျသလို ခံစားပြီး ငတ်ငတ်ပြတ်ပြတ်နဲ့ လိုက်ပါပြေးလွှားနေရတဲ့ ဖိုးမူလေး(သမီးလေး)တဦးရဲ့ အတွေးထဲကို ကျမ ပူးဝင်ခိုကပ်ပြီး ပလိုင်းအိမ် ကဗျာလေးကို ရေးခဲ့ပါတယ်။



ပလိုင်းအိမ်

ဒီပလိုင်းကြီးထဲမှာ

ဖိုးမူ ဘယ်လောက်ကြာကြာ နေရမှာလဲ။

ပလိုင်းကြီးထဲမှာပဲ အိပ်

ပလိုင်းကြီးထဲမှာပဲ စား

ပလိုင်းကြီးထဲမှာပဲ နေ့ရောညပါ နေနေရတယ်။

အဲဒီပလိုင်းကြီးကို

ထမ်းပိုးထားရတဲ့ အပါးကိုလည်း သနားလှပါပြီ။

အမိုးနဲ့ ဒေးဖိုးကိုလည်း သနားတာပဲ။

အမိုးရင်ခွင်ထဲက ဒေးဖိုးက

သူ့လက်ကလေး တဖက်ကို မြှောက်မြှောက်ပြတယ်။

သူလည်း ကွေးကွေးလေးနေရတာ ညောင်းလှပြီတဲ့။

တောင်တွေတက်တိုင်း

ချွေးတွေ ဖြိုင်ဖြိုင်ကျတဲ့

အမိုးကိုလည်း မကြည့်ရက်ဘူး။

ဖိုးမူတို့ ဘယ်လောက်ကြာကြာ ပြေးနေရဦးမှာလဲ။

ထမင်းချည်းသက်သက်က ခုနှစ်ရက်

မှိုတလှည့် မျှစ်တလှည့် ရှစ်ရက်

ဝဥနဲ့ ကြွေးဥတွေလည်း သုံးလေးရက်။

ခုတော့ ငှက်ပျောသီးနဲ့ ငှက်ပျောပင်

အဲဒီအပင်တွေ ကုန်သွားရင် ဖိုးမူတို့ ဘယ်လိုအသက်ရှင်မလဲ။

ပလိုင်းအိမ်ထဲမှာ

ဖိုးမူတို့ ရွာ

ဖိုးမူတို့ တောင်ယာ

ဖိုးမူတို့ကို ရန်ရှာတဲ့

စစ်သားတွေအကြောင်းပဲ တွေးနေမိတယ်။

အဲဒီစစ်သားတွေက

ဖိုးမူတို့ တောင်ယာဆန်ကို စားတယ်။

ဖိုးမူတို့ အသီးအနှံတွေကို စားတယ်။

ဖိုးမူတို့ ဝက်တွေ၊ ကြက်တွေကို စားတယ်။

သူတို့ သွားချင်တဲ့နေရာ

သူတို့ နေမကောင်းတဲ့အခါလည်း

အပါးတို့ပဲ ထမ်းပိုး ပို့ပေးခဲ့တာလေ။

အဲဒီစစ်သားတွေကပဲ

ဖိုးမူတို့ ရွာကို ဖျက်တယ်။

တောင်ယာကို ဖျက်တယ်။

ဥယျာဉ်ကို ဖျက်တယ်။

ဖိုးမူတို့အားလုံးကိုလည်း သူတို့ပဲ ရန်ရှာတယ်။

ဖိုးမူတော့ နားမလည်တော့ဘူး အပါးရယ်

ဖိုးမူတို့မှာ အိမ်ရှိရက်နဲ့

ပလိုင်းကြီးထဲမှာပဲ အိပ်

ပလိုင်းကြီးထဲမှာပဲ စား

ပလိုင်းအိမ်ထဲမှာ

ဖိုးမူ ဘယ်လောက်ကြာကြာ နေရမှာလဲ။ ။

အဲဒီကဗျာလေးကိုရေးပြီး သိပ်မကြာခင်မှာပဲ ပလိုင်းအိမ်နဲ့ လူ့အခွင့်အရေး ကဗျာများဆိုတဲ့ စာအုပ်ကို မိတ်ဆွေ၊ သူငယ်ချင်းများရဲ့ ပံ့ပိုးကူညီမှုများနဲ့ ကျမ ထုတ်ဝေခဲ့ပါတယ်။ ကဗျာစာအုပ်မျက်နှာဖုံးပုံကတော့ ပလိုင်းကြီးတခုထဲ ချွေးသံတွေ တရွဲရွဲနဲ့ ငိုမဲ့မဲ့ သမီးလေးရဲ့ပုံပါ။ ဖိုးမူလေးရဲ့ နွမ်းနွမ်းဖတ်ဖတ်မျက်နှာလေးကို မြင်ရတိုင်း နာနာကျင်ကျင်နဲ့ ကျမ ကြေကွဲရပါတယ်။

ပုလိုင်းအိမ်နဲ့ ပတ်သက်ပြီး ပိုကြေကွဲခဲ့ရတာကတော့ ကျမ ညီမ အငယ်ဆုံးလေး ပြန်ပြီးပြောပြတဲ့ ကျမတို့ရဲ့ ဘဝ အပိုင်းအစတခုပါ။

ကျမရဲ့ ပလိုင်းအိမ် ကဗျာစာအုပ်လေး ထွက်ပြီးတဲ့ နောက်တနေ့မှာပဲ ဒုက္ခသည်စခန်းတခုမှာနေတဲ့ ကျမ ညီမ အငယ်ဆုံးလေး ကျမ ဆီကို ရောက်လာပါတယ်။ စာဖတ် ဝါသနာပါတဲ့ ညီမလေးကို ကျမရဲ့ ကဗျာစာအုပ်လေးကိုပေးတော့ မျက်နှာဖုံး ဓာတ်ပုံလေးကို သူ အကြာကြီး စိုက်ကြည့်နေတာကို ကျမ သတိထားမိပါတယ်။

ညီမက သူစိတ်ဝင်စားတဲ့ အကြောင်းအရာအပေါ်မှာ ဒီလိုပဲ အချိန်ပေးတတ်တာမို့ ကျမလည်း သူ့ကို ဘာမှ မမေး၊ မပြောတော့ပဲ လုပ်စရာရှိတဲ့ အလုပ်တွေကိုသာ လုပ်နေခဲ့ပါတယ်။ ညီမလေးနဲ့ ကျမဟာ ဆယ်စုနှစ်(၃)စုနီးပါးကြာမှ ပြန်လည်ဆုံတွေ့ရသူတွေမို့ အပြောအဆို၊ အနေအထိုင် အစစအရာရာမှာ အတော်လေးစိမ်းပါတယ်။ အထူးသဖြင့် ကျမ ဘက်က ပိုစိမ်းတယ်လို့ ထင်ပါတယ်။

မိဘ၊ မောင်နှတွေနဲ့ ကွဲကွာပြီး ကြီးပြင်းရတဲ့ ကျမက သူတို့အားလုံးကို စိတ်နာပြီး စိမ်းစိမ်းကားကားရှိတယ်လို့ ပြောရင် ပိုမှန်ပါတယ်။ စစ်ပွဲတွေကြောင့် အကျိုးကျိုးအကြေကြေ ဖြစ်ခဲ့ရတဲ့ ကျမ တို့မိသားစုအကြောင်းကို ပြန်လည်သိခွင့်ရတဲ့အချိန်မှာ

“ငါထင်သလို ငါအပေါ် သူတို့ ရက်စက်ခဲ့တာ မဟုတ်ပါလား …”

လို့ ကျမ အမြင်မှန် ရခဲ့သော်ငြားလည်း ဆယ်စုနှစ်(၃)ခုကြာ ဝေးကွာခဲ့ရတဲ့ သွေးကတော့ ယနေ့ထက်တိုင် အေးနေတုန်းပဲလို့ ဆိုရမှာပါ။

ညီမလေးကတော့ အမဆိုတဲ့ သံယောဇဉ်နဲ့ ကျမကို ခင်တွယ်ရှာပါတယ်။ ကျမကတော့ ကျမရဲ့များမြောင်လှတဲ့ အလုပ်တွေကိုသာ ဦးစားပေးခဲ့ပြီး ညီမလေးနဲ့ ခပ်စိမ်းစိမ်းပဲ နေခဲ့ပါတယ်။ တကယ်တမ်းကတော့ ကျမရဲ့ ရင်ထဲကအနာတွေ ယနေ့ထက်ထိ မကျက်နိုင်သေးတာကြောင့်လည်း သူ့အပေါ် စိမ်းနေခဲ့တာလည်း ဖြစ်ပါတယ်။

ညီမလေးက ကျမလို ခံစားချက် မပြင်းသလို ကျမထက်လည်း ပိုရင့်ကျက်တယ်လို့ ဆိုရမလားပဲ။ ကျမ မျက်နှာရိပ် မျက်နှာကဲကို အမြဲကြည့်တတ်တယ်။ နိုင်ငံရေး၊ လူမှုရေးတွေနဲ့ ကျမ အလုပ်များနေသလား။ ခရီးစဉ်တွေ၊ သတင်းကိစ္စတွေ၊ စာကဗျာကိစ္စတွေနဲ့ ကျမ ဝန်ပိနေသလားဆိုတာကို အကဲခတ်ပြီးမှ ပြောသင့်တာကိုပြော။ သူ့ရင်ထဲ သိမ်းစရာရှိ သိမ်းဆည်းပြီး သိုသိုဝှက်ဝှက် ထိန်းထိန်းသိမ်းသိမ်း နေတတ်သူပါ။

အဲဒီ ညကတော့ မှတ်မှတ်ရရပါပဲ။ လကလည်း တော်တော်လေးသာတယ်။ အိပ်ခန်းတံခါးကို ဖွင့်ထားတော့ အ်ိပ်ခန်းတခုလုံးကို လရောင်က အပြည့်အဝ နေရာယူထားတယ်။ ကျမ အိပ်ယာထဲဝင်တော့ ကျမထက် အိပ်ယာဝင်စောတဲ့၊ စောစောအိပ်တတ်တဲ့ ညီမလေး မအိပ်သေးတာကို တွေ့လိုက်ရတော့ ကျမ အတော် အံ့သြသွားတယ်။

မအိပ်သေးဘူးလားလို့ ကျမ မေးတော့ သူက အိပ်လို့မရဘူးလို့ ပြောတယ်။

“လက အရမ်းသာတယ်။ ငါလည်း အိပ်ရမှာ နှမျောတယ်” လို့ သူ့ကို ပြောတော့

သူက ကျမကို “နောခိုင်ကို ပြောပြစရာ တခုရှိတယ်”လို့ ပြောပါတယ်။

“ဘာပြောမှာလဲ ပြောလေ”လို့ ကျမ ပြောတော့ သူတော်တော်နဲ့ စကားမစပဲ ငြိမ်နေတယ်။

တော်တော်လေးကြာမှ “နောခိုင် ကဗျာစာအုပ်ထဲက ပလိုင်းထဲက ကောင်မလေးလေ”လို့ ပြောပြီး သူ ပြန်ငြိမ်သွားတယ်။

“အဲဒီကလေးက ငါ သံလွင်သွားတုန်းကတွေ့ခဲ့တာ အဲဒီတခေါက်သွားတုန်းက နင်မပါဘူး ”

ညီမလေးက ကျမ ဒုက္ခသည်စခန်းတွေ သွားတိုင်း၊ တောထဲတွေ သွားတိုင်း လိုက်ပါတတ်သူမို့ သူမပါပဲ သွားတဲ့ ခရီးကရလာတဲ့ အကြောင်းအရာတွေကို သူမေးတော့မယ်အထင်နဲ့ ကျမ ပြောလိုက်တာပါ။

သူက ကျမ ပြောတာကို ငြိမ်ပြီး နားထောင်ပြီးမှ ကျမကို စကား ပြန်စတယ်။

“နောခိုင်သိလား၊ ကျမတို့ ငယ်ငယ်တုန်းကလည်း အဖေတို့ အမေတို့က ကျမတို့ကို ပလိုင်းထဲထည့်ပြီး ပြေးကြတာ၊ အဲဒီအကြောင်းတွေကို အမေက ကျမကို ခဏခဏ ပြောပြဖူးတယ်”။

ညီမလေးရဲ့ စကားကိုကြားတော့ ကျမရဲ့ နှလုံးခုန်သံတွေ မြန်လာတယ်။ တော်လှန်ရေးနယ်မြေမှာ မွေးခဲ့တာချင်းတူပေမယ့် ညီမလေးက ကျမ ထက် ဆင်းရဲဒုက္ခ ပိုပြီးခံခဲ့ရတာကို ကျမ သိတယ်။ တော်လှန်ရေးလုပ်တဲ့ အဖေနဲ့။ အဖေနဲ့ အတူရှိတဲ့ အမေ။ အမေနဲ့ အနီးကပ်ရှိခဲ့တဲ့ ညီမလေးက ကျမတို့ရဲ့ မိသားစုအကြောင်း၊ တော်လှန်ရေးမိသားစုတွေရဲ့ အကြောင်းကို ကျမ ထက် ပိုသိပါတယ်။ ကျမရဲ့ ငယ်ဘဝ အစိတ်အပိုင်းတချို့တောင်မှ ညီမလေးဆီက ကျမ ပြန်ပြီး ကြားရတာပါ။ အခုလည်း ကျမတို့ရဲ့ ငယ်ဘဝ တစိတ်တဒေသကို ညီမလေး ပြောပြနေပြန်ပြီ။


“စစ်တပ်တွေ တက်လာလို့ အမေတို့ ပြေးရရင် စားအိုးစားခွက်တွေကို တနိုင်တပိုင်သယ်ပိုးပြီး ပြေးရတဲ့”

“ငယ်သေးတဲ့ လမ်းအဝေးကြီး မလျှောက်နိုင်တဲ့ ကျမတို့ကိုလည်း ပလိုင်းကြီးထဲထည့်ပြီး ပြေးရတာတဲ့”

“အဲဒီလို ပြေးရလွှားရပြီဆိုရင် နောခိုင်က အရမ်းအငိုသန်တာပဲလို့ အမေက ကျမကို ပြောဖူးတယ်”။

ညီမလေး ပြောတာဟုတ်မှာပါ။ ကျမ အငိုသန်ခဲ့လို့ပဲ ညီမလေးတို့နဲ့ကျမ နှစ်ပေါင်းများစွာ ကွဲကွာခဲ့ရတာ။ ဒီစကားကို အမိုးလည်း ကျမကို ပြောပြဖူးတယ်။

“နင်ငယ်ငယ်က အရမ်းအငိုသန်တော့ နင့်အဖေ သိပ်စိတ်ညစ်တယ်။ ရန်သူတွေကလည်း နီးလာပြီ။ နင်ကလည်း ဘာကျွေးကျွေး အငို မတိတ်ဘူး။ နင်ငိုတော့ ပုန်းရခိုရတာ မလုံခြုံတော့ဘူး။ နင့်အဖေက နင့်ကြောင့် သူ့ရဲဘော်တွေ ဒုက္ခရောက်မှာ အရမ်းစိုးရိမ်တာပဲ” တဲ့။

ဒီစကားကို ကြားရတုန်းက ကျမ အဖေ့ကို အရမ်းစိတ်နာတာပဲ။ ကျမထက် အဖေက သူ့ရဲဘော်တွေကို ပိုချစ်ခဲ့တယ်ဆိုပြီး အဖေ့ကို ကျမ စိတ်နာတယ်။ ကျမကို အဒေါ်တွေနဲ့ ပေးပစ်ခဲ့တဲ့ အမေ့ကို ကျမ စိတ်နာတယ်။ ကျမအပေါ် ချစ်ချစ်ခင်ခင်မရှိတဲ့ မောင်နှမတွေကို ကျမ စိတ်နာခဲ့တယ်။

ကျမကို မိသားစုတွေနဲ့ ကွဲကွာအောင်ဖန်တီးခဲ့တဲ့ စစ်ပွဲတွေကို ကျမ စိတ်နာတယ်။

တော်လှန်ရေးနယ်မြေကို ပြန်ရောက်ပြီး တော်လှန်သူတွေနဲ့ လက်ပွန်းတတီးရှိခဲ့၊ တော်လှန်သူတွေရဲ့ ဘဝအထွေထွေကို ခံစားနားလည်ခဲ့တာတောင်မှ မိဘ၊ မောင်နှမတွေအပေါ် နာကျည်းခဲ့တဲ့ ကျမရဲ့ နာကျည်းစိတ်တွေကတော့ တော်တော်နဲ့ လျော့ပါးမသွားခဲ့ဘူး။

ဒါကြောင့်မို့ပဲ ထင်ပါတယ်။ ကျမ အဖေ တော်လှန်ရေးသမားကြီးဖြစ်တာကို ကျမ ဂုဏ်ယူ တတ်ခဲ့ပေမယ့် အဖေ ဆုံးတယ်ဆိုတဲ့ သတင်းကိုကြားရတဲ့ ကျမ မျက်ရည်တစက်မှ မကျခဲ့ဘူး။

(၁၁)လ သမီးအရွယ်ထဲက ကွဲကွာခဲ့ပြီး အဖေဆုံးတဲ့အချိန်အထိ တခါမှ ပြန်တွေ့ခွင့်မရတဲ့ အဖေဆိုသူတယောက်ရဲ့ ပုံရိပ်ကို ကျမ စိတ်မှန်းနဲ့ အကြိမ်ကြိမ် ပုံဖော်ကြည့်ခဲ့ပေမယ့် ကျမ မျက်လုံးအိမ်မှာ ဘယ်လိုမှ အဖေ့ ပုံရိပ် မထင်ခဲ့ဘူး။

အမေနဲ့ မောင်နှမတွေ ပြောတဲ့ အဖေ့ရဲ့ ပုံရိပ်။

အဖေ့ ညီအကိုတွေ ပြောတဲ့ အဖေ့ပုံရိပ်။

အဖေ့ ရဲဘော်ရဲဘက်တွေ ပြောတဲ့ အဖေ့ပုံရိပ်ကို ပုံဖော်ရတာဟာ - ကျမအတွက်တော့ မျက်မမြင်ပုဏး(၆)ယောက် ဆင်ကြီးတကောင်ကို ပုံဖော်တာထက် ပိုခက်ခဲပါတယ်။ ကျမက မျက်စေ့မြင်ပေမယ့် ကျမ မမြင်ရတဲ့ အဖေ့ပုံရိပ်က ကျမအမြင်အာရုံထဲမှာ ပီပီပြင်ပြင် ထင်မလာခဲ့ဘူး။ အဖေ ကျမကို ချစ်တော့ ချစ်ခဲ့တယ်လို့ ကျမ ထင်တယ်။


အဲ့ဒီညကလည်း ပလိုင်းကြီးတခုထဲမှာ ကျမကိုယ် ကျမ ထည့်ကြည့်တယ်။ ညီမလေးကို ထည့်ကြည်တယ်။ ကျမ အဖေဆိုသူ တော်လှန်ရေးသမားကြီးက ကျမနဲ့ ညီမလေးကိုထမ်းပိုးပြီး ပြေးလွှားနေတဲ့ပုံကို ကျမ ပုံဖော်ကြည့်မိတယ်။

မျက်ရည်စီးချောင်းတွေကြားမှာ အဖေဆိုသူရဲ့ ပုံရိပ်ဝိုးတဝါးက ကျမရဲ့ နိုးတဝက်အိပ်မက်တွေကို သိမ်းယူသွားခဲ့ပါတယ်။

ပလိုင်းကို အိမ်လုပ်ပြီးနေရတဲ့သူတွေရဲ့ သက်တမ်းဟာ ကျမ အသက်နဲ့ တွက်ရင်တောင်မှ နှစ်ပေါင်း(၄ဝ)ကျော် ခဲ့ပါပြီ။

ကျိုးကြေခဲ့ရတဲ့ ဘဝတွေကတော့ ထောင်ပေါင်းများစွာ ချီခဲ့ပြီပေါ့။

ယနေ့ချိန်ထိ တိုက်ပွဲသံတွေ ကျမတို့ ကြားနေရတုန်း။

ပလိုင်းကို အိမ်လုပ်ပြီး အသက်လုပြေးနေတဲလူတွေ မနားတမ်းပြေးနေရတုန်းပါ။

စစ်ပွဲတွေ ရှိနေသရွေ့ ဘဝတွေ တစစီ ကျိုးကြေနေရဦးမှာပါ။

(ဓာတ်ပုံ - ခိုင်မာကျော်ဇောနဲ့ သူ့မိတ်ဆွေများ)

သတင်းစာ မှားတယ်

ကာတွန်း စောငို

ဘာတွေဖြစ်နေသလဲ လာကြည့်စေချင်တယ်

( ၁ နှစ်အကြာ - နာဂစ်မုန်တိုင်းက ကျန်ရစ်သူတဦးရဲ့ အသံ)

ဝင်းမြတ်

ဘိုကလေး ၊ မေ ၉ - နာဂစ်မုန်တိုင်း မြန်မာနိုင်ငံ ဧရာဝတီ မြစ်ဝကျွန်းပေါ်ဒေသကို တိုက်ခတ်ခဲ့တာ တစ်နှစ် ပြည့်လွန်ခဲ့ပေမယ့် မုန်တိုင်းဒဏ်သင့် ဒေသမှာ နေထိုင်သူတွေမှာ အခက် အခဲများနဲ့ ရင်ဆိုင် နေရဆဲပါ။ နာဂစ်မုန်တိုင်း ဖြစ်ပြီးခါစမှာ ကယ်ဆယ်ရေး ကူညီ ထောက်ပံ့ရေး လုပ်ငန်းတွေ နှေးကွေးခဲ့သလို ယနေ့အချိန် အထိလည်း အကူအညီ ရရှိမှုတွေ နည်းပါး နေသေးတာ တွေ့ရပါတယ်။

နာဂစ်မုန်တိုင်းဒဏ်သင့် ဒေသ တစ်ခု ဖြစ်တဲ့ ဘိုကလေး မြို့နယ် အပိုင် လမုအုပ်လေး ကျေးရွာသား ကိုမျိုးမင်း(၃၀ နှစ်) ပြောပြတဲ့ သူ့ရဲ့နာဂစ် အတွေ့အကြုံကို တင်ပြလိုက်ပါတယ်။ လမုအုပ်လေး ကျေးရွာဟာ ကြိမ်ချောင်းကြီး ကျေးရွာအုပ်စု အပိုင် ၂၇ ရွာမှာ ပါဝင်ပါတယ်။ ကြိမ်ချောင်းကြီး အုပ်စုဟာ ဘိုကလေးမြို့နယ် အတွင်း နာဂစ်မုန်တိုင်းကို အပြင်းအထန် ခံခဲ့ရတဲ့ နေရာတခုပါ။

နာဂစ်တိုက်တဲ့ည

“နာဂစ်လာတုန်းက သမှဲ့ပင်ကြီး တစ်ပင်ကို ဖက်ထားရင်း ကနေ ရေနဲ့မျောသွားတာ မိန်းမလှကျွန်းပေါ်ကို သွားတင်နေတာ။ အဲဒီကို ရောက်ဖို့ သိပ် မကြာလိုက်ဘူး နာရီဝက်လောက်ပဲ ကြာမယ် ထင်တယ်။ အဲဒီနေရာကို လှေနဲ့ သွားမယ် ဆိုရင် တစ်နာရီလောက် ကြာတယ်။ အကုန်လုံးက မှောင်မည်းနေတာ။ ဘယ်ကို ဦးတည်လို့ တည် နေမှန်းလည်း မသိဘူး။ ဘာမှလည်း မမြင်ရဘူး။ တစ်ညလုံး ကျွန်းပေါ်မှာပဲ ခံနေခဲ့ရတာ။ ပထမတော့ ဘယ်ရောက်နေမှန်း မသိဘူး။ မနက် မိုးလင်းတော့မှ ဟိုဖက်ကမ်းကို လှမ်းကြည့်ပြီး မိန်းမလှကျွန်းပေါ် ရောက်နေတယ်ဆိုတာ ခန့်မှန်းလို့ရတယ်။ ကျွန်းပေါ်မှာ သူလို ကိုယ်လို လာတင်နေတဲ့ သူတွေ တော်တော် များတယ်။

နာဂစ်ပြီးခါစ ရက်များ

ကျွန်းပေါ် လာတင်နေတဲ့ အပျက်အစီး တွေဆိုတာ တစ်ပုံကြီးပဲ။ လူသေတွေ ကျွဲနွားသေတွေ။ ကလေးတွေ ဆိုတာ ဆိုဒ်မျိုးစုံပဲ။ အဲဒီထဲက လှေတစ်စီးကို ရွှံ့နဲ့ပိတ်ပြီး ကျွန်းဒီဘက် ရောက်အောင် ပြန်ကူးရတာပေါ့။ ကျွန်တော် ရောက်သွားတဲ့နားမှာ လူအယောက် နှစ်ဆယ် လောက်ရှိမယ်။ မိန်းကလေး နှစ်ယောက်လည်း ပါတယ်။ ဟိုဖက်ကမ်းကို အရောက် ပို့ပြီးတော့ နောက်တစ်ခေါက် ပြန်လာကြို လုပ်ရတာပေါ့။ ပဒဲကောရွာ ဖက်ကမ်းကို ပို့ပေးလိုက်တာ ပေါ့။

အဲဒီအချိန် လူတွေမှာက မိမွေးတိုင်း ဖမွေးတိုင်း ဖြစ်နေကြတာ။ မိန်းကလေးတွေရော ယောက်ကျားလေး တွေရော အပျက်အစီးတွေ ကြားထဲမှာ ပါလာတဲ့ အ၀တ် အတို အစတွေ ကောက်စွပ်ထားကြတာပေ့ါ။ ကျွန်တော်တို့က မြေဆီအိတ်တွေ ပတ်ထားရတယ်။ အဲဒီလိုနဲ့ ရွာရှိတဲ့ဘက်ကို မှန်းပြီး ပြန်လာကြတာပေါ့။ တခြားရွာက လူတွေကလည်း သူတို့ရွာ သူတို့ ပြန်ကြပေါ့။ လှေကိုတော့ ကမ်းစပ်မှာပဲ ထားခဲ့လိုက်တယ်လေ။ ဘယ်သူ့ လှေမှန်းလည်း မသိပါဘူး။

ကျန်ရစ်သူများ

ရွာကိုရောက်ဖို့ နှစ်နာရီလောက် လမ်းလျှောက်လိုက်ရတယ်။ ကွင်းတွေထဲက ဖြတ်ပြန်တာ ရွာတွေက ပျက်နေတော့ ဘယ်ရွာကို ရောက်လို့ ရောက်မှန်း မသိ ဖြစ်နေတာနဲ့ ချောင်းရိုးအတိုင်း ကမ်းစပ်ကနေ ပြန်လာရတာပေါ့။ လမ်းမဟုတ်တော့ ဆူးတွေ စူးတာပေါ့။ ရွာရောက်တော့ ရွာက အကုန် ပျက်နေပြီ။ ဒါပေမယ့် ကိုယ့်ရွာကိုတော့ မှတ်မိပါတယ်။ ရွာမှာ မသေဘဲ ကျန်နေတဲ့သူ တချို့ တလေလည်း တွေ့ရတယ်။

သောက်စရာရေကလည်း မရှိတော့ ကြွေကျနေတဲ့ အုန်းသီးတွေ ခွဲပြီး အုန်းရေတွေ သောက်ရတယ်။ ထမင်းကတော့ နှစ်နပ် ငတ်တယ်။ နောက်တော့ ရေစိုဆန်တွေ ချက်ပြီး ဝေငှစား ကြတာပေ့ါ။ နောက်တစ်ပတ်လောက် ကြာတော့မှ ဘိုကလေးဘက်ကို အကူအညီလေး ဘာလေး တက်တောင်းကြရတာ။ ဖြစ်ဖြစ်ပြီးခြင်း ဘာမှ မရှိဘူး။ ဟိုတစ်လောက နာဂစ်ရုပ်ရှင်ထဲမှာ ပါသလို နေတိုးလဲ မလာဘူး။ ဘာ ရဟတ်ယာဉ်မှလည်း မလာဘူး။ သူတို့တွေကို တကယ်ဖြစ်နေတာကို တကယ် တွေ့သွားစေချင်တယ်။ ဘာတွေဖြစ်နေသလဲ ဆိုတာလဲ လာကြည့်စေချင်တယ်။

နာဂစ်မှာ အဖေရယ် အမေရယ် ညီမနဲ့ ညီတစ်ယောက်ရယ် ပျောက်သွားတယ်။ အလောင်းတွေ ဘာတွေ အခုထိ ပြန်မတွေ့ရဘူး။ အစောပိုင်းတုန်း ကတော့ သေသလား ရှင်သလား မသိတော့ ဆွမ်းသွပ်တာတွေ ဘာတွေ ဘာမှ မလုပ်ပေး ခဲ့ရဘူး။ ပြီးခဲ့တဲ့ ၁၂ ရက်နေ့(တန်ခူးလဆုတ် ၁၂ရက်) ကတော့ နှစ်ပတ်လည် လုပ်လိုက်တယ်။ ပရိတ်တွေ ဘာတွေရွတ် အမျှအတန်း ဝေလိုက်တာပေါ့။ ၂၄ နှစ်အရွယ် ညီတစ်ယောက်ကျန်ခဲ့တယ်။ ညီအစ်ကို နှစ်ယောက်စလုံး လောလောဆယ် နေစရာလည်း မရှိဘူး အလုပ်အကိုင်လည်း အတည်တကျ မရှိဘူး။ အလုပ်ကတော့ အရင်ကတည်းက ဘောက်လုပ် ဘောက်စားပဲ ဆိုတော့ အခုလည်း ဒါပဲပေါ့။

နာဂစ်က ချန်ရစ်တဲ့ ဒုက္ခများ

လောလောဆယ်တော့ ရွာမှာ သောက်ရေ ကန်တူးဖို့ အန်ဂျီအို အဖွဲ့ တစ်ခုက လုပ်ပေးနေတယ်။ အဲဒီမှာ မြေကြီး တူးတယ်။ ဆယ်ပေပတ်လည် တစ်ကျင်းကို ၇၅၀ (ကျပ်) ရတယ်။ မဆိုးတော့ မဆိုးပါဘူး။ ကိုယ် လုပ်နိုင်ရင် လုပ်နိုင်သလောက် ရပါတယ်။ တစ်ရက်ကို သုံးထောင် လောက်တော့ ရတယ်။ သောက်ရေကန် ပြီးသွားရင်တော့ မိန်းမလှကျွန်းပေါ်တက်ပြီး ရွဲကောက် (ကျွန်းပေါ် ရေတိမ်ပိုင်းတွေမှာ ငါးသိမ်ငါးမွှား၊ ပုစွန်ရှာ) ရမှာပေ့ါ။

လောလောဆယ်အထိတော့ ACF (Action Countre La Faim - ပြင်သစ် အခြေစိုက် ငတ်မွတ် ခေါင်းပါးမှု တိုက်ဖျက်ရေး အဖွဲ့) ကနေ ရေ ပေးတယ်။ ဆန် ဆီ ပေးတာတော့ လျှော့လိုက်ပြီ။ အရင်က တစ်ရွာလုံး ပေးတယ်။ အခု ၆၅ ရာခိုင်နှုန်းပဲ ပေးတော့တယ်။ တစ်ဖြည်းဖြည်းနဲ့ လျှော့သွားမယ် လို့ ပြောတယ်။ တခြားအဖွဲ့တွေ ဘာတွေတော့ လာတာ မတွေ့ဘူး။ တာပေါ်လင်စ တွေကို ယူနီဆက်ဖ်က ပေးတယ်။ (တာပေါ်လင်စများပေါ်တွင် UNHCR စာတန်းများ တွေ့ရှိရသည်။) နောက်ဆုံးတော့ အားလုံး ကိုယ့်ခြေထောက် ကိုယ်ရပ်ရမှာပေါ့။

နာဂစ်ဖြစ်ခဲ့တာ တစ်နှစ် ပြည့်လာ ပေမယ့် အလုပ်အကိုင်၊ နေရာထိုင်ခင်း၊ အစားအသောက်၊ သောက်ရေ အစစပေါ့လေ အများကြီး လိုနေသေးတယ်။ အရင် ကတည်းကလည်း ကျွန်တော်တို့ နေထိုင် စားသောက်ခဲ့ရတာ သိပ် အကောင်းကြီးတော့ မဟုတ်ဘူးလေ။ ဒါပေမယ့် နေသားကျနေတာ။ နာဂစ် ဖြစ်တော့လည်း အိမ်တွေ ပြို ပျက်သွားပြီး တော်တော် ကြာကြာ အထိ သောက်ရေ မရှိ၊ စားစရာ မရှိ ဖြစ်တာကို ခံနိုင်တယ် ဆိုတာ အရင်ကတည်းက ကျွန်တော်တို့က နေသားကျနေလို့။ မဟုတ်ရင်တော့ သေကုန်ပြီပေါ့။

နောက်တခါ မုန်တိုင်းလာရင်

နောက်တစ်ခေါက် မုန်တိုင်းလာရင်လား။ အဲဒါတော့ ဒီတစ်ခေါက်တော့ မပြေးတော့ဘူးဗျာ။ ပြေးလဲဘယ်ကို ပြေးရမှန်း မသိပါဘူး။ ဟိုတစ်ခေါက်က ပြေးတဲ့သူတွေ တော်တော် များများ သေကုန်တာပဲ။ ကြိုတင် ပြင်ဆင် တာတွေ ဟုတ်တိ ပတ်တိတော့ ဘာမှ မရှိပါဘူး။ ဟိုတစ်လောက မုန်တိုင်း လာမယ်ဆိုတုန်း ကလည်း (ဘစ်ဂျလီမုန်တိုင်း) အေးဆေးပါပဲ။ အနီးအနားမှာ ပြေးစရာ ပုန်းစရာလည်း အဆောက်အအုံ ကြီးကြီး မားမား မရှိဘူး။ ခိုင်ခိုင် မာမာ တစ်ခုခုကို သေချာ တွယ်ထားလိုက်မယ်။ အဲဒါမှ သေတယ် ဆိုလည်း သေပေါ့ဗျာ။ ကံတရားပဲပေ့ါ။”